Dili-Balide – Loron 9 Maiu 2019, loron moris Madre Mazzarello nian, Irmán FMA Balide no menina sira selebra festa Madre Mazzarello nian. Festa ne’e hahu husi triduu loron tolu liubá. No ohin, hamutuk ho menina sira, ami selebra festa MM nian, hahu ho laudes no Missa hamutuk hafoin iha kalan iha divertimentu.  Iha ne’ebe menina, postulante no Irmán sira, ida-idak hatudu sira nia ksolok liu husi dansa, kanta no atraksi seluk tan.

Selebrasaun Eukarístika preside husi Pe. Manuel Pinto, SDB. Iha ninia reflesaun, nia afirma: “Momentu 2 importante iha Madre Mazzarello nia moris mak tama iha grupu Filhas de Maria Imaculada (FMI) no hasoru Don Bosco. Momentu 2 ne’e fo marka ba nia moris tuir mai. “Ninia domin boot ba Jezús no Maria sai mos mai ita bolun ida atu la’o iha dalan santidade nian.

Ami haksolok no agradese tebes ba exemplu inan di’ak ida ne’e nian.

(Ivonia Belo)