Dili, loron 28 Abri 2019, Irmán FMA (Salesiana) Balide ho Oratoriano sira selebra Festa Páskua hamutuk iha GMT. Tema ba festa ida ne’e “Santidade mós ba ó, ba ha’u no ba ita hotu”.

Iha oportunidade ne’e, ami konvida mós Me. Provinsial, madre husi komunidade sira ne’ebé iha Dili, Oratoriano Dejuccdil, Oratorianu SDB no FMA, Antigus Oratoriano sira no mós familia.

Atividades ne’ebé hala’o iha festa ida ne’e mak aprezenta drama Martíriu Oratorianu na’in 5 husi Polonia, no mós kanta no dansa husi oratorianu sira. Ijo no Cidalia, artista Timor ne’ebé nu’udar Antigos Oratorianu mós fahe sira nia ksolok ho ami liu husi sira nia knananuk sira.

Molok hahu drama, ami reza tersu hamutuk, no iha mós mensajen husi Me. Alma ba foinsa’e sira: “Iha Oratóriu la’ós de’it atu halimar no aprende maibé liu-liu atu forma an sai sidadaun honestu, hanesan martir na’in 5”. Nia agradese mós ba Oratoriano tuan sira ne’ebé nafatin iha fuan oratorianu nian.

Durante aprezentasaun oratonianu no konvidadus sira dada mensajen Maromak nia lliafuan. Ikus nian, ami taka ho merenda hamutuk. Ami haksolok no agradese tebes iha festa hamutuk ida ne’e.

(Ivonia Belo)