Baucau – Nu’udar Institutu no nu’udar oan ho fuan nakonu ho ksolok no agradesimentu nian ba Me. Yvonne Reungoat, Superiora Jerál Institutu Filhas de Maria Auxiliadora nian. Ami, komunidade Santa Teresa D’Avila Baucau, ami-nia agradesimentu mak nu’udar ami-nia orasaun ne’ebé mak iha fulan ida-nia laran akompaña Madre Yvonne Reungoat liuhusi reza rozáriu no orasaun loroloron ne’ebé hasa’e ba Na’i ba madre ninia intensaun tomak, liuliu ohin iha loron espesiál ida ne’e ami nu’udar komunidade simplesmente agradese ba Madre Jerál liuhusi Sakramentu Eukaristia, ne’ebé selebra husi Pe. Agnelo Eduardo Jeronimo Moreira, SDB. Molok Misa hahú, Ir. Sanzinha nu’udar superiora komunidade nian, lee introdusaun badak hodi fó hanoin katak selebrasaun Eukaristia ohin nian, ita hasa’e ba Na’i nu’udar ita-nia agradesimentu sinseru ba Madre Jerál ba ninia domin, laran di’ak hodi gia Institutu.

Agradese tebes ba madre Jerál ne’ebé sai inan no tali komuñaun iha Institutu liuliu sai  modelu rona-na’in nian ka iha lia-italianu “donna dell’ascolto”. Obrigada tebes, tan iha ninia governu tomak, nu’udar komunidade ami balun esperiénsia direta ho nia katak Madre Yvonne iha atitude Maria Nazare nian disponibilidade hodi rona Irmán sira la sura kolen, tan ne’e festa agradesimentu iha loron ohin, 26 abril 2019 nian ne’e maski fizikamente ami la marka prezensa maibé, husi orasaun ne’ebé hasa’e ba Na’i Maromak no ho fuan ne’ebé hakarak hato’o obrigada ba Madre, ami haruka liuhusi anin ne’ebé sei hu’u no hamaran madre nia kosar been iha festa boot no naruk iha rai California, Estado Unidos América.

Obrigada husi fuan ba Madre Yvonne doben.

(Lucia Pereira)