Loron 6 Seminár Komunikasaun Sosiál

Pansol-Calamba (Filippinas) – Tópiku ikus formasaun ba Komunikasaun Sosiál Institusionál mak Dimensaun Management ka koordenasaun ba Komuñanun. Enkontru hahú ho esperiénsia ida “konstrusaun uma”. Grupu ida ema na’in neen nian pinta uma hodi uza spidol ida de’it enkuantu grupu seluk observa sira. Grupu ne’ebé pinta labele komunika ba malu ho liafuan maibé ho modu non-verbál. Pinta uma halo dala rua.

Depoizde atividade ne’e, fasilitadora sira husu observadora sira-nia observasaun kona-ba grupu nia lala’ok. Hafoin husu mós sira ne’ebé halo ninia hanoin no sentimentu. Esperiénsia ne’e lori atu haree oinsá presiza iha lideransa iha grupu. Balun haree katak iha difikuldade ezekusaun nian tanba la iha posibilidade ba klarifikasaun. Nune’e, presiza iha kapasidade jestaun uma rasik.

Jestaun ka management favorese sinerjia iha intensaun no asaun no interkoneksaun entre papél no funsaun sira iha Ekosistema Edukomunikativu. Jestaun edukomunikativa lori ba komuñaun, simu diversidade, inkluziva no konverjente, koordenada no integrativa.

Maibé kapasidade jere uma boot Institutusionál presupoin kapasidade jere uma rasik. Membru ida ne’ebé la tasak lori prejuízu ba Instituisaun. Maturasaun pesoál akontese ho konfrontu ho ema seluk. Kualidade moris nian implika kualidade misaun nian.

Elementu importante iha management, mak halo mós monitorajen no avaliasaun konstante. Avaliasaun hateke ho maneira krítika no objetiva objetivu sira no kualidade asaun nian iha relasaun ho rezultadu ne’ebé atinji, mudansa ne’ebé mosu no nesesidade ne’ebé hetan satisfasaun. Bainhira ita halo avaliasaun, implika ona nesesidade atu halo di’ak liután. Nune’e ita lalika dezanima, tanba, iha polítika Komunikasaun Institusionál, ita presiza serbisu nafatin iha rede, inter-ámbitu, inklui ho ámbitu administrasaun ba “orsamentu”.

Momentu ikus, ho modu espontánea, ida-idak fahe kona-ba saida mak nia aprende iha enkontru loron neen nia laran no saida mak nia sei lori ba ninia Inspetoria. Enjerál, hotu-hotu hakarak sai “edukomunikadora” loloos ida ho ninia moris rasik hodi ativa prosesu sira ne’ebé lori atu servisu iha rede iha ekosistema ne’ebé nia horik bá. Liafuan agradesimentu ba Konselleira jerál no ninia konsulente, ba inspetoria Filippinas ne’ebé sai uma-na’in ba enkontru ne’e, no ba partisipante ida-idak ne’ebé hakarak lori ba oin misaun komunikasaun nian. “Halo ita-nia moris uma Liafuan nian. Halo ita-nia fuan Uma Liafuan nian. Ema seluk sai mai ita liafuan ne’ebé komunika, basá ita mak son sira no ita-nia liafuan mak fini”, ne’e mak liafuan ikus husi Ir Maria Helena Moreira.