Loron 5 Seminar Komunikasaun Sosiál

Pansol-Calamba (Filipinas) – “FMA nia prezensa iha social network” no “Perfíl Koordenadora Komunikasaun Sosiál” mak tópiku rua ne’ebé partisipante sira ba seminar kona-ba “komunikasaun sosiál institusionál” reflete iha 9 Abríl 2019.

Iha senáriu ohin nian social network sai fatin atu horik bá, maibé oinsá mak ita tenke horik iha fatin ne’e? Institutu FMA hanoin atu hasai dokumentu normativu-orientativu ida ne’ebé ba mundu FMA, ba komunidade edukativa, atu ita-nia prezensa tuir duni intensionalidade ne’ebé trasa iha polítika komunikasaun institusionál, katak, hala’o misaun edukomunikativa no evanjelizasaun no fó vizibilidade ba mundu salezianu. Ba ida-ne’e ita presiza iha regra ruma, kódigu konduta ruma hodi konfronta mós ho lei internasionál ka País ida nian. Iha grupu, Koordenadora sira refleta kona-ba intensionalidade prezensa iha rede, identidade no responsabilidade institusionál, oportunidade no risku sira, liberdade espresaun no reprezentasaun institusionál, privadu no públiku, Lei País nian kona-ba menoridade, privacy no rezerva, informasaun, koerénsia, nst.

Serbisu daruak, nafatin iha grupu, Koordenadora sira, hodi konfronta ho esperiénsia rasik sira iha kontestu ohin-loron nian ne’ebé muda, sá loos perfíl Koordenadora Komunikasaun nian atu bele jere Ekosistema komunikativu sira iha sinerjia ho inter-ámbitu. Elementu ne’ebé tenke identifika mak karakterístika pesoál sira, kompeténsia komunikativa/relasionál, kompeténsia profisionál, funsaun no knaar sira, estratéjia sira… Iha diskusaun observa katak karakterístika sira-ne’e la’ós de’it ba koordenadora Komunikasaun Sosiál, maibé mós ba koordenadora ámbitu seluk.

Enkontru ohin nian loke FMA partisipante sira ba problema sira ne’ebé rede sosiál bele fó mai ita, bainhira ita la hatene uza tuir deontolojia ida ne’ebé salvaguarda ita-nia Institutu nia “pessoa jurídika” no protesaun ba ema ka grupu frajili sira, hanesan menoridade.