Loron 4 Seminar Komunikasaun Sosiál

Pansol-Calamba (Filipinas) – Loron dahaat, 8 Abríl 2019, dedika ba estudu kona-ba Polítika Komunikasaun Institusionál FMA nian.  Polítika ne’e hatudu kritériu-guia sira ba planifikasaun no implementasaun prosesu no asaun sira atu promove kultura auténtika komunikasaun nian no konsolida misaun edukomunikativa Institutu FMA nian.

Iha konkluzaun serbisu dahuluk nian, Ir Maria Helena Moreira, Konselleira Ámbitu Komsos FMA nian halo pergunta ruma hanesan tuirmai ne’e: Oinsá mak Inspetoria komprende kona-ba “edukomunikasaun”? Edukomunikasaun prezente iha Inspetoria nia programasaun? Oinsá Inspetora tau atensaun ba sira ne’ebé serbisu iha edukomunikasaun? Iha imi-nia Inspetoria imi halo serbisu “inter-ámbitu”?

Dinámika ne’ebé uza atu hakle’an hanaran “World Café”. Partisipante sira fahe ba grupu haat tuir tema  Animasaun – Produsaun – Formasaun – Informasaun. Iha grupu ida-idak ho tempu ne’ebé reguladu, katak kada minutu 30, partisipante sira  halo pasu sira hanesan leitura pesoál ba materiál tomak (iha momentu dahuluk de’it), halo leitura ba realidade inspetoriál husi pontudevista dimensaun animasaun, formasaun, informasaun no produsaun; identifika dezafiu rua ne’ebé promove serbisu iha rede iha misaun edukomunikativa; hakerek iha toalla meza leten. Liutiha minutu 30 grupu hakat ba meza World Café seluk, nune’e grupu hotu liu husi meza haat ne’ebé iha World Café atu identifika no hakerek ninia dezafiu sira. Husi parte seluk, fasilitadora na’in rua, Ir Maria Helena no Ir Gabriella liu husi grupu sira atu observa partisipante sira nia serbisu, dinamizmu/mekanizmu ne’ebé sira ativa, ne’ebé ikusmai sira koko atu halo partisipante sira sai konxiente iha asembleia.

Parte loraik 8 Abríl nian partisipante sira, simu input kona-ba “Visual Communication Manual”, elementu gráfiku sira logo nian no regra sira ba uzu no aplikasaun. Logo Institutu dahuluk halo iha 1990 bainhira Ir Graziella Curti mak Konselleira Jerál ba Komsos. Atu bele fó validade jurídika, Institutu halo pasu tuir mai atu halo sai sientífiku logo ka trademark Institutu nian iha ninia gráfika, ninia kór espesífiku, iha respeitu ba liña meridiana sira, aumenta liafuan “Istituzione” ba “FMA”. Pasu tuirmai mak halo rejistrasaun iha Estadu nia Ministériu relevante, no bainhira rejistra ona labele ona modifika, Rejistrasaun ne’e importante atu ita bele reklama ita-nia direitu bainhira ema seluk uza sala ita-nia logo ka kopia tuir.