Loron 2 Seminar Komunikasaun Sosiál

Pansol (Filipinas) – Iha loron daruak seminar KomSos nian, 6 Abríl, dedika ba aprezentasan manuál “Planu Komunikasaun Institusionál” ne’ebé loloos sai tiha ona iha tinan tinan 2018. Polítika Institutu FMA nian iha “Planu Komunikasaun Institusionál” oferese kritériu sira ba “dezenvolvimentu no konsolidasaun misaun edukativa”, iha ninia difuzaun luan, hodi integra dimensaun lima Ekosistema Institusionál nian, ne’ebé iha ligasaun ba malu: “Animasaun, Formasaun, Informasaun, Produsaun no Jestaun”.

Vizaun-Misaun Komunikasaun Institusionál

Ir Maria Helena no Ir Gabriella aprezenta troka malu Vizaun-Misaun, senáriu ohin nian ne’ebé marka ho kultura dijitál no valór boot sira ekosistema nian haktuir iha dokumentu ida-ne’e. Pergunta dahuluk mak “tanba sá Planu ida?”. Nia resposta mak atu fó vizibilidade ba Karizma Salezianu, atu la’o ho foin-sa’e sira, atu hahoris moris no kultura no atu moris iha loron-ohin /kontemporaniedade (kategoria ne’ebé uza iha preparasaun ba Kapítulu Jerál 24).

Iha Planu Komunikasaun Institusionál haktuir katak ita-nia Vizaun mak “Sai ekosistema edukomunikativu salezianu iha rede” no Misaun mak “Promove interasaun Ekosistema Edukomunikativu sira Institutu FMA nian, entre sira no iha rede ho Ente no Organizmu sivíl no ekleziál”. Nune’e, “komunikasaun nia objetivu mak tau iha kontaktu, favorese interasaun no korresponsabilidade, inspira konteúdu no atitude sira, forma, kria pensamentu krítiku, halo opiniaun, sai ponte, transforma pontu kontaktu nian iha partisipasaun no kolaborasaun, konverjénsia, babesik no prosimidade: fó klamar no moris ba ekosistema sira, halo sai konkreta no vizivel misaun edukomunikativa Institutu FMA nian”.

Iha kultura dijitál, komunikasaun sai prasa nakloke ida entre partisipante oioiun, iha ne’ebé hotu-hotu iha direitu atu kaer mikrófonu ka rona. Interlokutór sira la’ós ona destinatáriu maibé kriadór no “influencers” iha konversasaun luan, iha ekosistema makro (boot), iha-ne’eb’e hotu-hotu iha koneksaun ba malu no komunika malu.

Valór sira Komunikasaun Institusionál nian

Valór sira mak konviksaun ne’ebé sai fundamentu ba Institutu nia komunikasaun. Iha valór haat ne’ebé Planu indika ba tempu ida-ne’e: profesia ohin-loron nian (kontemporaniedade); pedagojia ambiente nian; interkulturalidade no sustentabilidade. Iha tempu “ohin-loron” nian mak karizma Don Bosco no Madre Mazzarello nian tau nia abut. Tempu ida revolusaun dijitál nian, ita-nia ambiente ka pátiu la’ós de’it ona ida rekreiu nian ka ida reál, maibé mós ida dijitál, iha-ne’ebé ita presiza horik ho ita-nia prezensa preventiva, iha espíritu família, hodi hatene aseita mós diversu, no sai kompetente atu horik iha “ohin-loron”. Sustentabilidade komunikasaun nian mak responsabilidade ba misaun iha tempu prezente no iha futuru; husu dixernimentu no desizaun, kompeténsia espesífika sira, nst.

Depoizde aprezentasaun husi fasilitadora sira, partisipante sira hala’o serbisu iha grupu hodi identifika valór no dezafiu sira komunikasaun nian iha Inspetoria no hafoin aprezenta hikas fali iha asembleia.