Baucau – Husi loron 17-18 Janeiru 2013, departementu katekeze Baucau organiza kursu ba ministru estraordináriu sira tuan no foun. Ministru estraordináriu komuñaun nia misaun mak fasilita selebrante sira nu’udar ministru ordináriu, iha distribuisaun komuñaun nian iha kreda sira, iha kapela, ospitál, uma partikulár, no iha fatin seluk.

Atu sai ministru tenke iha rekizitu ruma: iha vida sarani di’ak, fiar ne’ebé metin, iha preparasaun doutrinál, komuñaun ho Kreda.

Iha enkontru formasaun, tema sira hotu liga ho Tinan Família nian: “Amor esponsal e familiar” (D. Basílio do Nascimento);  “Abertura dos esposos à vida” (Ir Jacinta Gusmão); “Dignidade do matrimónio e da família” (P. Mário de Carvalho); “Linha de acção pastoral da pessoa humana da família” (P. Arlindo); “Bíblia e família” (P. Juvito); “Cultura popular na compreenssão do matrimónio e da vida familiar” (P. Francisco).

Enkontru formasaun taka ho selebrasaun eukarístika ho investudura no renovasaun kompromisu ministru estraordináriu komuñaun nian. Entre ministru foun sira hamutuk haatnulu-resin iha mós FMA sira husi Baucau  na’in haat no irmán na’in haat husi Venilale.