Dili – Hodi hatan ba projetu oratorio Maria Auxiliadora no Oratorio Eusebia Palomino, ne’ebé dehan katak sei hala’o hamutuk viaskra iha rei , iha tempu forte liuliu tempu Kuaresma, nune’e iha domingo lorokraik loron  24-Marsu-2019, oras 02.30 otl no remata iha tuku oras 06.00 otl, oratorio rua lao hamutuk hodi halo viasakra iha Kristu Rei.

Oratoriano sira husi oratorio rua hamtuk 200 pessoa mak partisipa iha atividade ida ne’e, Objetivu husi atividade ida ne’e mak hamutuk ho oratoriano sira, inan aman no animador sira atu hanoin no reflete fila fali  esperiensia kona ba Jezús nia terus, ne’ebé  aprezenta liu husi drama badak iha estasaun ida-idak, husi animador sira, ho tempu hanesan atu troka oituan fatin no ambiente hodi simu anin fresku.

Atividade ida ne’e atrai mos ema barak ne’ebé hala’o vizita ba Kristu Rei, sira mos iha hakarak no interese partisipa iha  dalan kruz ne’ebé oratoriano sira hala’o.Esperiensia  furak husi animador foun no oratoriano foun sira husi oratorio Eusebia Palomino mak sira sente haksolok no sira enjoy ho dramatizasaun ne’ebé hatudu no tempu hanesan tulun sira atu reza diak no reza ho devosaun, liuliu mak halo sira sente mos terus ne’ebé Jesus lori. Maske ambiente ne’ebé rame no barulho maibe oratoriano sira hakmatek hodi reza ho devosaun.

(Maria Sarmento Guterres)