AMU-PAPA NIA BENSAN BA FMA HOTU

Roma (Italia). Iha loron hirak ne’e, husi Segretaria Estadu Vaticano nian mai Amu-Papa Bento XVI nia resposta ba surat ne’ebé tempu ruma liubá M.Yvonne Reungoat haruka ba nia. Nia haruka surat ne’e atu asegura Institutu tomak nia prosimidade no solidariedade iha momentu ida sofrimentu boot nian, ne’ebé sai forte liután ho notísia sira ne’ebé habelar ba beibeik no lahó respeitu.

Ami haktuir iha-ne’e testu ne’ebé to’o: «Reverenda Madre, ho hanoin laran-di’ak nian, Ita hodi Institutu ne’e nia naran, hakarak manifesta ba Pontífise-Aas sentimentu solidariedade nian no prosimidade espirituál iha momentu delikadu ida ba Kreda tomak mós. Santu-Padre agradese ho fuan tomak ba sinál komuñaun no domin ida-ne’e, sai folin liután ho orasaun espesiál ba Ninia pesoa no Ninia ministériu no, enkuantu invoka intersesaun Beata Virjen Maria nian husi lalehan, ho fuan nia haraik ba Ita no ba komunidade tomak Bensan apostólika ne’ebé ita husu, hodi habelar ho laran-luak ba irmán sira no ema hotu Ita hadomi.Husi Vaticano, 22 Juñu 2012 – Mons. Peter B. Wells, Assessór».

La Madre hakarak atu Santu-Padre sente FMA hotu nia domin ba nia no hakerek ba nia ho liafuan sira tuirmai ne’e: «Santu-Padre, ha’u hakarak esprime ha’u-nia prosimidade pesoál, no Figlie di Maria Ausiliatrice hotu namkari iha Kontinente lima ninian, iha momentu ida-ne’e, iha-ne’ebé Kreda no Ita ho modu partikulár simu bolun atu moris ho intensidade Kristu nia Mistériu Paskál.
Ita bele iha serteza katak ami besik Ita ho orasaun ne’ebé ho haraik an no domin ami hasa’e ba Nai atu ita-nia fuan, “Beatissimo Padre” simu konsolasaun no domin maka’as liután ho Espíritu Santu nia prezensa. Ami hato’o ami-nia agradesimentu kle’an ba Ita-nia liafuan sira riku ho esperansa, barani atu haklaken lialoos, hadomi-na’in transparénsia nian.
Santu-Padre, ami hadomi Ita no ami saran ba Maria Ausiliadora, ne’ebé Don Bosco konsidera Nai-Feto tempu difisil sira nian, ita-nia moris no ita-nia majistériu.
Sente ami hamutuk ho Ita iha komuñaun kle’an, ho domin no gratidaun.
Irmán Yvonne Reungoat fma»