Dili – Iha loron 12 Marsu 2019, tuku 2:15 lokraik iha Komunidade Saun Jose Novisiadu Comoro, Novisa primeiru ano sira hetan oportunidade husi Madre Mestra Me. Esmeralda atu aprezenta karakteristika FMA nian liu husi Mini Laboratorio(drama no kantu).

Karakteristika sira nee mak hanesan: Karidade Pasiensia no laran manas, simplisidade no modestia (ksolok, espiritu mortifikasaun no oservansa pobreza), obediensia no haraik-an, espiritu orasaun no armonia iha moris ativa no kontemplativa .Inserta mos ho drama kona ba “Bom Samaritanu” no “Main Feto Orasaun no Servisu nain”.

Tuir mai ita ba akompaña sira ida-idak espresa sira nia hanoin kona ba saida mak sira halo:

• Oportunidade ida ohin nee, tulun hau atu aprende pratika karateristika neebe ohin hau rasik fahe mak karidade neebe pasiensia, laran manas no oservansa pobreza neebe orienta hau atu buka halo buat diak barak ba klamar sira no husu hau atu haksolok ho buat neebe iha no moris tuir Da Mihi Animas Coetera tolle.(Nov. Adelia)
• Simplisidade no Modestia ba hau pesoalmente pronto atu inspira ba foinsae sira no domin ba orasaun no relijiaun. Karateristika ida nee tuir DB no MM nia hanoin mak transparensia, espontanea, liberdade interior, laos halo tan tenke halo, sinseru no klean. Simplisidade mos husu hau atu hamamuk hau nia an no hakonu hau nia an ho Maromak. Obediensia no haraik an hanorin hau atu obedese ba ema seluk no simu ho haraik an ho fuan tomak no la laran moras ba avizu no koreksaun no knaar hotu neebe entrega mai hau atu halo. DB nia liafuan neebe dehan ba FMA sira se imi sobu tiha bolsu wainhira suku ropa, bolsu sei halakon buat hotu neebe sei tau iha nia laran, nunee mos relijioza se la suku obediensa sei labele konserva virtude ida no sei para deit atu sai Relijioza. (Nov. Silvia)
• Ksolok mak estilu karakteristika iha ita nia moris no misaun, hanesan MM rasik dehan ksolok mak sinal fuan ida neebe hadomi tebes Maromak, Espiritu Orasaun husu atu tau an nafatin iha Maromak nia prezensa no hela iha uniaun ho Nia iha hakat ida-idak neebe hau lao.(Nov. Adelaide)
• Uluk nanain hau agradese ba Maromak ba oportunidade furak ida nee; ba hau espiritu mortifikasaun no karateristika armonia entre moris ativa no kontemplativa nee nudar lisaun ida mai hau atu kontinua aprende no koko iha etapa formasaun ida nee, hanesan DB dehan espiritu mortifikasaun mak frutu domin nian ida  no armonia entre moris ativa no kontemplativa tenke lao hamutuk katak orasaun no asaun.(Nov. Agostinha) .

 

(Noemia de Deus)