Dili – Enkontru juniores fulan Marsu nian, hala’o iha sentru João Paulo II, iha loron 01-Marsu-2019, irman juniores sira husi komunidade hotu ne’ebé eziste iha Timor, mak partisipa iha enkontru ida ne’e, hahu tuku 08.30 to’o 3.00 lorokraik. Formasaun  ida ne’e aprezenta husi Madre Provinsial, Me. Alma Castagna,FMA, kona ba “ Orientasaun tapa formativu junioradu nian” kapitulo II, ne’ebé ho tema: “RONA BA JUNIORES, KOMUNIDADE FORMATIVA NO FORMADORA SIRA”. Konteudu  ne’ebé aprezenta mak:

• Juniores nia realidade; Juniores ohin loron nian ho esforso hatan Maromak ho radikalidade no juniores ezije disponibilidade atu hala’o realidade foun ida iha misaun foun.
• saida mak deskreve ita nia juniores; aproveita enerjia barak   no hetan  difikuldade , valoriza tempu no sira presiza trata asuntu importante ( prosesu formativu sira  kresimentu spiritual neneik no laiha novidades.
• difikuldades atu integra moris nia dimensaun hotu iha karidade; tanba atividade ne’eb’e naresin, kuran koñesementu ne’ebé klean kona ba DB no MM, kuran kapasidade atu deskobre Maromak nia prezensa iha nia istoria rasik no iha mediasaun sira, nst.
• sentidu hola parte nian iha identidade Karizmatika; kontinua haklean no kompara ho konstituisaun, estudu sira sistematiku kona ba fonte.
• misaun partillada; valoriza akompañamentu ,fasilita integrasaun gradual ba misaun ( rekoñese katak misaun hala’o ho leigu,  presiza nakloke ba buat foun, pronto atu moris iha orizonte kultura ne’ebé diferente.
• Misaun nia susar ;assume no espresa Sistema preventive, failansu implementasaun insersaun gradual, nst.
• akompañamentu ; sente responsabel no envolvido, rekoñese kontribuisaun pozitiva, manifesta nesesidade ne’ebé guia.
• Provokasaun;ezijensia misaun nia mistika, gradualidade no totalidade, klima liberdade.

Hafoin madre nia aprezentasaun, iha reflesaun pessoal no sharing iha grupo no aprezenta iha assembleia kona aspetu sira ne’ebé iha relasaun ho komunidade, Diretora, misaun no ho juniores rasik. Resultadu husi reflesaun sira ne’ebé fahe grupo mak hanesan; iha parte misaun nian, ezije atu komunidade  sai transparente karismatiku no iha parte diretora sira nia mak; laiha konfiansa resiproka no prudensia no laiha modalidade aprosimasaun. Husi parte junior sira mak difisil atu espresa Sistema preventivu iha misaun. Ne’e mak fahe iha grupo ne’ebé haree liu ba aspetu negative nian, aliened ne’e iha mos aspetu pozitivu,mak; Maria prezente iha esperiensia juniores sira nian, retiru annual, boanoite tulun  atu koñese liu tan hun no espiritualidade , halo ita hakmatek atu hakonu-an ho Maromak nia grasa no simu forsa foun  atu hala’o misaun. Ikus liu taka ho orasaun espontaña ne’ebé  ida-idak koko atu espresa liu husi sira nia mehi.

(Maria Natalina de Jesus)