Fuiloro, 24 Fevereiru 2019, iha loron komemorasaun Nain Feto Auxiliadora nian mak  hahu ho abertura ba Oratorio tinan ne’e,  ho partisipasaun oratoriano sira hamutuk 600 ne’ebe  mai husi: Oratoriu Centro Fuiloro, Raça, Titilari, Somocho, Iralafae, Sepelata, Nanafoe,  inklui mos menina sira husi koléjiu Morano.

Abertura ne’e hahu ho orasaun hamutuk ne’ebe prepara husi Irman Ernestina de Jesus, FMA. Iha orasaun nia laran mak oratorianu sira hasae mos Biblia mak nu’udar Kristu nia liafuan ne’ebe Domingo ita rona iha Misa no katekese sira, Bola no tali mak istrumentu sira ne’ebe uza iha atividade Domingo  nian iha Oratoriu. Molok remata orasaun Pe. Venancio SDB, taka ho Bensaun Maria Auxiliadora nian ba oratorianu hotu. Hafoin mak hahu ho animasaun husi animadores sira hodi hamanas fila fali fuan oratorianu iha ambiente Saleziana. Husi Oratoriu Sentru 8 ne’ebe hola parte ba Sentru Fuiloro, fahe mos ba kada Sentru jogos Futtsal ba labarik mane sira no feto sira iha jogos basket ball ho 15 minutus kada grupu.

Oratoriano, Irman Padre, Frater no animadores hotu sente haksolok tebes iha loron abertura ne’e tanba sira hotu bele mai konsentra hamutuk iha Misaun Fuiloro, maski hahu abertura tarde oituan. Hodi Halimar, haksoit e joga hamutuk  mak hametin liutan amizade entre oratoriu sira. Ikus liu merenda hamutuk hafoin mak  ida-idak fila fali ba nia Sentru.

(Ines Bartolo Freitas)