Komunidade  Maria Auxiliadora fahe prezente Natal nian ba Orfão no ba familia kiak sira

 

Venilale – Natal prezente domin nian, Maromak hakarak hamutuk ho ema ida-idak nuneé prezente neébe los mak Jezús. Iha dia 5 de Janeiru Comunidade Maria Auxiliadora- Venilale halo Festa Natal hamutuk ho labarik Orfão sira kuase 120, balun ladauk mai. Sira hotu haksolok simu prezente; pasta, boneka, kadernu, no brinkedos sira. Bele haree katak providensia neébé benfeitor fó too ba sira hotu.

Epifania katak hatudu-An. Loron ohin, loron ikus Natal nian ita hotu komprimenta malu nu’udar bin alin iha ksolok maibé la haluha hodi komprimenta  Jezús ba dala ikus nian, basá tinan ohin la hanesan tinan neébe sei mai, Me. Maria Letezia hateten. nuneé grupo ida-idak prepara ninia kantu hodi komprimenta Jezùs.

Tempo hanesan, Pre-Aspirante ho Ir. Esmeralda  ba halo visita ba familia kiak sira hodi lori presente simples neébe mak ami iha hanesan; fos, no roupa. Ba fahe ba familia sira, ho ksolok boot sira simu no ho fuan sinsera gratidaun sira agradese teb-tebes ba sasan oituan neébe maka sira simu nokona-ba parte espíritual  Irman  sira mós koalia oituan ho familia no husik hela mensagem ksolok, paz no domin nian ba sira atu familia hakaas-an moris iha armonia maske realidade moris nian susar maibé buka hodi laran metin iha Maromak nia providensia no fo korajem ba sira katak Jezús Maromak Nia-Oan  moris iha Bibi-luhan kiak nia laran, nuneé keta tauk luta hasoru moris nia realidade ho esperansa foun. Hafoin remata ho orasaun no kontinua fali iha uma seluk neébe hein hela prezensa.