Sam Phran (Thailand) – Konferénsia Istoriografia Saleziana iha Rejiaun Ázia-Orientál no Pasífiku (10-15 Fevreiru 2019) sai nu’udar momentu atu halo Memória Pasadu nian ne’ebé hamanas fali zelu “da mihi animas coetera tolle”. Misionáriu no misionária sira ne’ebé haktuir hikas fali sira-nia istória maioria mak figura pioneiru/a, fundadór, bispu no sira-ne’ebé kuda fini karizma iha rai misaun iha rejiaun ne’e. Sira sai relevante la’ós de’it ba buat ne’ebé hateten iha leten, maibé tanba sira ho Don Bosco nia karizma sira “evanjeliza hodi eduka no eduka hodi evanjeliza”,  mai nu’udar Kreda nia oan sira, serví Kreda lokál, haka’as an ho meiu hotu atu tama iha kultura rai ida nian no envolve lokál sira iha misaun, inklui hari’i kongregasaun lokál atu sai masin no roman iha sira-nia sosiedade rasik. Estuda kle’an sira-nia moris bele dehan katak, sira hanesan Don Bosco nia mehi haktuir, la’o iha “rosas ne’ebé mós iha ai-tarak barak”, maibé sira ema ne’ebé “robustu, forte no haraik-an”, tanba ne’e sira bele halo buat barak hanesan Na’i-Feto husu ba Giovannino iha mehi tinan 9.

Depoizde rona no rona, partisipante na’in 45 iha oportunidade atu liu husi fatin istóriku sira inísiu obra Saleziana iha Rai Thailand, iha dioseze Ratchburi. Iha loron tomak nia laran, partisipante sira bá iha Ban-Nok-Khuek, Ratchburi no Banpong, hodi tuir SDB, FMA no Kongregasaun foun rua nia moris-fatin funda husi Bispu Gaetano Pasotti (pioneiru SDB  iha 1927), i.e. “Sisters Servants of Immaculate Heart of Mary” no Institutu Sekulár funda husi Padre Carlo della Torre SDB (1900-1982) katak “Daughters of Quensheep of Mary”.  Fatin sira-ne’e mak: Katedrál Nativity of Mary, nu’udar fatin dahuluk ba SDB no FMA sira hodi hela bá bainhira sira to’o, nune’e mós Kongregasaun Immaculate nia moris-fatin, Simitériu Katóliku Ban-Nok-Khuek nian; Semináriu Menór, Irmán “Immaculate Heart of Mary” nia eskola boot ho alunu rihun  haat iha Narivithaya  no sira-nia uma ba retiru no Irmán ferik sira iha Ratchburi; Parókia S. José SDB nian, Eskola FMA Narivooth nian ho estudente 2.700 no simitériu katóliku iha ne’eb’e iha FMA no SDB sira nia rate. Pe.Pároku Giovanni Lissandrin aprezenta istória fundasaun Ban-Pong nian, konsidera nu’udar ‘Vaticano-Valdocco’ Thailand nian.

Bispu John Bosco, nu’udar susesór da-6 Bispu Gaetano Pasotti SDB (1890-1950)  dioseze Ratchburi nian, oferese panorama furak ninia dioseze nian no sasin pesoál nu’udar antigu alunu salezianu. Ninia sasin pesoál forte tebes: ‘We are happy to be the children of the Salesian family, thanks to Salesian formation our diocesan clergy are very united, missionary minded, involved actively in inter-religious dialogue and generous in the ministry to the Thai Catholic Church. Two of our clergy became bishops in another 2 Thai dioceses, 2 of our priests are missionaries in Cambodia, others serve the bishops conference and major seminary ‘Lux Mundi’. Among the 2.5 million population in the diocese there are 15,000 Catholics, ministered to by 60+ priests, 150+ religious sisters, brothers and priests. The number of adult baptisms is more than 300 in recent years, thanks to more people who are asking for a Catholic education...’

Buat ida folin boot husi  Bispu John Bosco Panya bainhira nia hatudu husi ninia “billete naran nian” iha fraze Bispu Gaetano Pasotti ninia testamentu ikus, ne’ebé sai mós ninia susesór ne’e nia vizaun: ‘To be like a father among his children, to foster unity among his clergy and trying to be all to all people.’

Iha kalan partisipante sira iha oportunidade ba “Open forum” ho Konselleiru Rejionál East Asia Oceania, Pe. Vaclac Klement ne’ebé aprezenta realidade boot rejiaun ne’e nian engloba nasaun 23, nune’e mós ninia mehi sira ba futuru: haburas vokasaun “Salesian Coadjutor” tanba halo parte konsagrasaun saleziana; tulun Salezianu sira hanoin, reflete, hakerek no konserva sinál sira Kristu nia pasajen iha istória; no promove espíritu misionáriu “adgentes”.