Lospalos, loron 02 Fevereiru 2019, Relijiozo/a  zona Lautem nian hamutuk  ho Amo paroco  sira husi Lautem, Luro, Iliomar no Mehara halibur hamutuk  iha Parokia  Lospalos.  Iha dader hahu  ho  aprezentasaun kona ba “ livru  Matadalan ba atendimentu Pastorais iha nvel  vigararia nian” ba dala uluk fo esplikasaun ba Relijiozo/a sira atu kolabora ho diak  no halao knar ho responsabilidade hodi asigura nafatin fiar sarani nian iha mundu ohin loron nian. Basa ema ne’ebe fiar  iha Maromak no moris tuir Nia hakarak,  ida ne’e mos sei lalakon, maibe sei hetan moris rohan laek (Konf. Jo 3:16). Ojetivu husi livru ne’e mak atu tulun ajentes pastorais sira hodi komprende didiak knar importante sira no regra balun ne’ebe parokianu ida-idak tenke kumpri atu hala’o nia knar nu’udar Profeta, Liurai no Nai Lulik iha ida-idak nia fatin. Ajentes pastorais ne’ebe diak tenke buka hatene no aprende bebeik  atu serbi  Nai Jesus ho diak liutan.

Molok hahu selebrasaun Eukaristia, Relijiozo/a sira hotu  hahu ho bensaun lilin  hafoin mak prosesaun tama ba igreja laran. Eukaristia ne’e preside husi  Vigararia Foránea  Lautem, Pe. Agapito Alfredo Ximenes, SDB. Iha omili ba loron ne’e hato’o husi Pe. Tomas Gusmão de Carvalho, SDB, ho pontus importantante sira ne’ebe iha relasaun ho festa ba loron ne’e nian.

Loron 2 Fevereiru  fo hanon ba ita konsagrado/a no Nailulik sira atu konsente  ba ita atu moris tuir konsellu Evanjeliku iha moris pratika  diak liu tan, liu –liu :

• Agradese ba Maromak ba gasa vokasaun konsagrada
• Promove koñsimentu  kona ba vida konsagrada ba Maromak nia povo
• Selebra hamutuk Maromak ba mundo ne’ebe ita  fo sasin

Iha okasiaun ne’e Padre Tomas mos hatutan liu Papa Francisco nia liafuan ba Konsagrado/a sira hodi dehan:

Ita ida-idak  hanoin hikas fali Maromak ne’ebe bolu ita iha ita nia loron Profisaun nian ka ordenasaun nian.

• Jesus kontinua bolu ita  nakonu ita ho Ninia domin rohan laek, nune’e ita fo agadese hodi harohan bebeik.
• Ba oin nafan hodi fo agradese ba diak  hotu ne’ebe ita fo no simu.
• Ita nia papel importante iha kreda mak fo sasin ho hahalok domin nian

Ikus liu taka ho konraternidade, hamutuk hodi fahe ksolok ba loron ohin nian.

(Ines Freitas)