Dili – Loron Domingo, 20, 2019 hala’o asembleia Nasional AAFMA iha komunidade Beata Eusebia Palomino, Partesipante sira hamutuk 51 pesoas.

Asembleia ida ne’e hala’o atu bele halibur fila fali antigas/antigus alunus FMA, atu hala’o formasaun hamutuk.

Hahu ho orasaun makloke, hafoin ir. Sebastiana aprezenta Komentario Streia Reitor Mor 2019 “Santidade mos ba O”, no iha momentu badak kondivisaun nian. Antigas/antigus  alunus sira kontente liu ho video Estreia Reitor Mor nian iha Lian tetun, ne’ebé tulun sira komprende diak liutan “Susesor don Bosco”  Padre Angel Artime nia mensajen kona ba Santidade. Sira agradese tebes ho liafuan sira husi Streia ne’ebé konfirma katak sira ne’ebé tama iha don Bosco nia uma, uma salesiana sira nian mak grasa boot ida. Sira hotu kontente. Tamba sira koñese no hakbesik rasik ho Reitor Mor bainhira mai vizita ita nia rai Timor Leste tinan liu ba. Nune’e sira senti katak don Bosco loos duni, nafatin moris iha ita nia tempu, liuhusi ninia susesor ninia liafuan no inkoraja atu ida-idak kontinua la’o iha dalan santidade nian, iha fatin hotu, iha familia laran, iha eskola, iha serbisu fatin.

Hafoin ir. Maria Brigida halao aprezentasaun kona ba Identidade AAFMA nu’udar  transmisaun husi enkontru ne’ebé hala’o ho Familia Salesiana iha nivel CIAO ne’ebé hala’o iha dia 5-8 Outubro 2018 liu ba. Tinan moris Asosiasaun antigas-antigus alunus; Iha fulan Marsu dia 19-1908, iha sentru oratoriu FMA sira nian iha Valdocco via Cottolengo 33, mak regulamentu ida ne’e ofisialmente   aprovadu t  iha primeira uniaun  Antiga/o alunas FMA sira  nian. Beatu Filipe Rinaldi mak nu’udar fundador no Ir. Caterina Arrighi mak nu’udar kolaboradora.  Primeiru regulamentu assosiasaun nian mak  tuir mai ne’e:  primeira mak hamoris nafatin memoria sira nebe’é hetan iha tinan ruma nia laran iha Oratoriu ka eskola, fo koragem ba malu atu moris tuir nafatin prinsipiu ka valores  sira iha realidade moris loron-loron nian;   daruak mak fo asistensia moral ba maluk sira ne’ebé hetan susar iha familia foun ne’ebé foin hari’i; no terseiru mak Visita imi nia kolega sira ne’ebé ho idade avansadu ona wainhira sira moras, no suporta sira ho tulun ne’ebé sira presiza  wainhira posible. Asosiasaun ida ne’e ofisialmente hola parte nu’udar membru ida tan  iha Familia Salesiana iha loron 29 fulan Outubro 1988.

Ir. Ermelinda da Silva, halo sosializasaun badak kona ba hari’i Federasaun no halo fali re-istruturasaun foun.Parte ikus nian, senhora. Saturnina nu’udar prezidente Asossiasaun no prezidente Uniaun Dili nian, Maria Fatima Pereira, apresenta mos sira nia dalan no atividade sira ne’ebé sira hala’o daudaun.

(Ambitu FS – FMA TIN)