Dili – Iha loron 17 fulan janeiru tinan 2019 iha lokraik irman Teresinha mak fó formasaun kona ba Santidade ba ba menina sira iha komunidade Divina Providénsia molok fo formasaun hahu ho orasaun badak diriji husi madre Teresinha hotu tiha. Uluknanai hatudu video “strenna  2019” ba menina sira hare hotu tiha madre fo tempu ba sira esplika fahe kona ba buat ne’ebé sira gosta no dada sira nia atensaun . Sira  hotu gosta  atu fahe sira nia reflesaun no fo sai mos sira nia hanoin.

Foinsa’e Timor-oan liliu iha komunidade Divina Providénsia menina no madre. Hato’o sira nia sentimentu ne’ebé sente wainhira akompaña strenna ba tinan 2019 koalia kona ba dalan Santidade.

Ami menina iha komunidade iha Divina Providensia sente orgulho tebes, wainhira akompaña Strenna 2019 ho hanoin ne’ebé mosu ba dalan Santidade:  Ho domin ha’u sei manan sei sai Santo basa sai santo lasusar, halo didi’ak ita nia kna’ar sira.  Iha dalan barak atu hetan ka manan atu sai Santo iha liafuan ida dehan ho haraik-an ha’u perdua basa ida ne’e Jezús nia hakarak hodi manan Jezús  nia domin, no ksolok iha fuan, iha tempu no eternidade.

Iha liafuan seluk dehan loke liman ba ema hotu ba buat ne’ebé o iha hanesan matenek, domin, pasiensia, hamnasa, respeito la hare ba kiik no boot, kiak no riku, rasa ba buat ne’ebé o iha, nia iha no ita hotu  iha fahe de’it ba,talentu ne’ebé ita iha mai husi grasa Maromak nian mak nia hakarak atu ami bele hakat ba dalan Santidade hodi halo di’ak ba malu.  Santidade nia odamatan loke ba ema hotu.  Ba ó, ba ha’u,  ba nia, no ba ema hotu.

Wainhira ami rona ida ne’e  ami sente haksolok tebes tamba ami fahe  reflesaun ba malu no fahe duni buat ne’ebé mai husi ami  nia laran. Obrigada  wain ba belun sira  nia reflesaun  sira hodi tulun ami  nia moris  nu’udar foinsa’e ne’ebé diak ba abanbain rua nian.

(Cristina)