Festa Família FMA iha loron Sagrada Família nian

 

Dili – Sai ona lisan ida atu tinan-tinan FMA sira selebra festa Família nian hamutuk ho inan-aman no maun-alin sira iha loron Sagrad a Família nian. Tinan ne’e festa monu iha loron 29 Dezembru. Parente sira besik atus haat mak halibur hamutuk iha Comoro (Centro JP II).

Programa loron ne’e nian hahú iha tuku 9.30 ho enkontru formasaun ba inan-aman  ho tema “Família mak prezépiu moris nian” hodi  mensiona dezafiu sira família enfrenta ohin loron no Kreda nia hanorin, ne’ebé padre Agostinho Soares SDB mak sai nu’udar palestrante. Padre foka kestaun oioin ne’ebé família hasoru hanesan violénsia doméstika, serbisu iha uma-laran, konflitu entre feen ho laen, infidelidade konjugál to’o divórsiu, inan-aman nia devér atu eduka oan sira iha dimensaun umana no sarani hotu. Sai jeradór/a moris nian la’ós de’it tua oan iha mundu, maibé tau ema ida iha mundu iha nia sentidu hotu.

Hafoin programa kontinua ho Santa Misa. Iha omilia amlulik hateten katak domin ba Maromak mak prioridade bot liu ba sarani sira. Bainhira iha domin ba Maromak nia rezultadu mak domin ba maun-alin sira, liuliu sira ne’ebé besik liu ita no iha ligasaun familiár. Hafoin loke iha solidariedade ba maluk hotu.

Enkontru remata ho almosu fraternizasuan nian. Família ida-idak lori buat ruma atu fahe hamutuk ho família seluk, nune’e mós, komunidade ida-idak FMA nian prepara buat ruma hodi tau hamutuk. Durante almosu nia aprte ikus iha mós aprezentasaun ruma husi novísia no FMA sira , husi  irmán balun ninia sobriña no sobriñu sira. Festa remata iha tuku rua loraik.