Baucau – Ohin loron ida espesiál mai ami komunidade Santa Teresa D’Avilla Baucau hamutuk ho komunidade Edukativa, ami mak ikus iha lista ba aprezentasaun programa INspetoria nian, Nune’e, ohin fulan Janeiru mak  Ir. Alma Castagna, Provinsiál TIN, mai tranzmite programa anuál 2019 nian iha komunidade.

Iha transmisaun ne’e partesipante ami hamutuk ema nain 11, leig sira na’in 6 no irmã sira ami na’in 5. Madre provinsiál halo transmisaun ne’e bazeia ba buat ne’ebé programa ona durante asembleia Ispettoriál, hahú ho orasaun no pasajen husi Evanjellu S. Lukas nian kona-ba dalan ba Emaus ikona ne’ebe ita hili atu akompaña ita iha tinan ida ne’e.

Hotu tiha transmisaun madre provinsiál hato’o ba komunidade katak ne’e programa Ispettoriál maibé nu’udar komunidade husu imi atu halo imi-nia programa hamutuk atu hatan ba situasan sira iha Baucau, programa ne’e atualiza no inkarna tuir sistema preventivu don Bosco nian. Nune’e mós me. Provinsiál husu atu hakle’an dokumentu sira Kreda nian, hanesan Estréia Retitór- Mór no mós Kreda nian kona-ba vokasaun no santidade nian.

Hotu tiha inkontru komunidade edukativa apresia tebes ba tema kona-ba akompañamentu no Maromak-Nia preznesa iha ita-nia moris, nune’e balun fó sira-nia risonansa hodi espresa sira-nia hanoin, katak se ita halibur hamutuk atu reflete kona-ba ita-nia moris no ita-nia misaun tanba ne’e tulun boot ba ami.

Hotu tiha transmisaun tuir tradisaun komunidade edukativa han meiudia hamutuk ho madre provinsiál depois nia fila fali ba Dili no leigu sira mós fila ba sira-nia uma.

(Lucia Pereira)