Husi Ir Dolores Ribeiro FMA

 

Dili – Ohin loron 22 Dezembro,hrs 15:00; Komunidade S. Joao Bosco Balide halo enseramentu ba labarik oratorianu sira ne’ebe tuir kursu durante fulan rua nia laran. Kursu ne’e halao husi irman sira komunidade nian rasik, ho objetivo atu tulun labarik sira iha tempu ferias nian maibe liu liu ba hirak ne’ebe presiza liu atu akompanha. Lisaun ne’ebe oferese ba sira mak hanesan: Matematika, lian Portugues, lian Ingles, lee no hakerek; labarik sira ne’e husi klase Eskola Materna to’o Pré-Sekundária.

Ho aktividade hirak ne’e labarik sira sente kontente tebes tamba bele tulun sira iha sira nia estudo no mos iha moris Espiritual nian tamba nafatin iha liafuan diak no orasaun hamutuk molok atu hahu aula; Nune’e mos ho Irman sira ne’ebe ajuda sente haksolok tamba fo tempu atu  ajuda labarik sira atu bele aprende buat ruma. Nune’e ho aktividade hotu ne’ebe halao ona ne’e ami hamutuk ho labarik sira halo festa hamutuk,hodi hatudu drama Natal nian ne’ebe prepara ho sira nu’udar ami nia  agradesemento  ba Maromak  ba diak hotu ne’e ne’ebe ami hasoru, ba Nain Feto ne’ebe akompanha ami nia estudo; Iha tempo hanesan komprementa mos familia sira ne’ebe mai partisipa no mos ba Beinfeitores sira ne’ebe tulun ami atu bele realiza ami nia aktividade sira ne’e ho diak. Wainhira festa hotu ami fahe  prezente ba labarik sira ne’ebe iha valor diak hafoin fahe mos ba sira seluk, ikus liu merenda hamutuk no fila ba uma………. ate tinan oin kolega sira, ita sei hasoru malu fali iha eskola Don Bosco nian ne’ebe hanaran  ORATÓRIO………….