Dili –  Iha loron 30 fulan Dezembru  selebra Festa  Sagrada Família nian.  Ami Irman sira nia  família  hotu mai iha ami nia komunidade Divina Providensia atu sebra festa Natál hamutuk. Maski sira ida-idak Missa kedas iha fatin ne’ebé sira hela ba. Missa hotu mak sira  mai iha komunidade atu han meiudia nian hamutuk. Maibé tan sira to’o iha komunidade oras sedauk to’o atu han, entaun família sira aproveita koñese malu uitoan hodi konta istoria hein oras  to’o, maibé sira ne’ebé foin-sa’e ba ajuda Irman iha koziña. To’o tuku 12.30 ami hotu ho família sira ba iha kapela atu reza hamutuk, orasaun badak no simples de’it maibé diriji husi madre superiora. Reza hotu ami konvida kedas família sira ba reifeitóriu atu han, maibé reza hamutuk tiha kontinua han kedas. Wainhira han hamutuk ho família sira ami sente kontente tebes tamba tinan ida bele konvida sira mai atu halo festa hamutuk ho sira hodi fahe ksolok ba malu. Han hotu tiha konvida madre boot atu hato’o  liafuan ida ka rua ba família sira tamba sira haka’as-an tebes  atu mai selebra festa  Sagrada Família nian hamutuk ami iha komunidade.

Ba família  sira nia laran diak hotu ami hato’o agradese wain husi ami nia fuan ba imi ida-idak!!!

(Komunidade DP)