Laga – Hanesan hakerek iha livru eklesiastiku “buat hotu iha nia tempu. Tempu atu kuda no tempu atu ku’u, tempu atu tanis no tempu atu hamnasa, tempu atu fo no tempu atu agradese…” no tempu atu halibur no tempu atu namkari!

Iha sintonia ho liafuan nee tinan ida nee komunidade Laura Vicuna Laga simu mudansa sira tuir votu obediensia. Ir. Marta mak irman dahuluk iha komunidade atu muda ba komunidade foun iha Divina Providencia. Tan responsabilidade ne’ebe nia tenki halo presiza tempu barak atu hatene no aprende.  Ir. Simoa Correia no Ir. Onesiana fali ba hamutuk iha komunidade beata Maddalena Morano Fuiloro. Nunee Iha dia 28 de novembru komunidade tomak hasae agradesementu ba Nai ba diak hotu sira fahe durante tinan 2 no 3 ba misaun komunidade nian no moris fraternal komunaun nian. Orfaun sira tanis no tristi ho irman nain 3 ne’ebe husik komunidade maibe sira mos haksolok fali ho Irman foun nain 3 nia presenza. Ir. Alice, Ir. Fatima no Ir. Cherly.

Komunidade prepara orasaun agradesementu nian loron 2 antes hafoin selebra misa ho solene atu agradese irman nain 3. Iha domin no orasaun ami komunidade tomak akompana Irman nain 3 nia misaun foun iha komunidade Divina Providenza no Beata MM fuiloro. Ami nia agradesementu nakfilak ba orasaun.

(Angelita Gomes)