Laga – Direitu labarik sira nian maski nasaun Timor-Leste asina ona akordu iha fulan Abril loron 16, 2003 maibé problema ida ne’e presiza kontinua fó hanoin ba ami husi komunidade Laura vicuna Laga atu bele konxiente liután iha ami nia misaun hamutuk ho labarik oan kiak sira iha orfanatu.

Laboratorio ida ne’e hola parte husi 94 orfauns no komunidade edukativa sira, hahu dader tuku 9 ho apresentasaun Direitus labarik sira nian iha konvensaun Direitus labarik sira nian liuhusi aprezentasaun dadus Unicef 2017 iha Timor Leste no lineamentu ASMOAF (AUSTRALIAN SALESIAN OVERSEAS AID FUND) konaba Politika Protesaun labarik sira nian ba staffs Parokia São João Bosco Laga no membru Komunidade Edukativa Komunidade Laura Vicuna Laga. Depoizde aprezentasaun Powerpoint ami kontinua ho jogus oinoin no aktividades ho labarik orfaun sira. Sira hotu haksolok maski premiu kiik deit ba manan nain sira maibé sira agradese tebes no husu ba edukador sira atu tau matan ba sira nia direitu liuliu iha Timor ne’ebe direitu labarik sira nian ladún fo importansia husi edukador sira no familia sira. Workshop ne’e kontinuidade ho tinan kotuk nia serbisu atu sensibiliza politika protesaun menoridade nian.

Aktividades sai furak liu tanbá labarik ida-idak simu T-shirt Direitus labarik sira nian no banners sira husi Inspetoria. Liuhusi artigo ida ne’e ami hotu hakarak agradese ba Madre Alma Castagna, Provincial FMA-TIN ba prezente enkantadora ida ne’e.

Ami agradese tebes ba kolaborasaun no inisiativa Irman maluk sira iha komunidade no Pe. Rui Gomes,SDB., Paroko Laga ba sira nia entusiazmu no hakarak diak atu realiza aktividades ida ne’e.

(Angelita Gomes)