Dili – Enkontru diretora komunidade sira loron 12 Novembru, dedika ba aprezentasaun dokumentu “Orientamenti per la Tappa Formativa dell’Iuniorato” Institutu FMA nian hasai iha 2017. Aprezentasaun ne’e halo iha Thailandia husi 28 Setembru to’o 1 Outubru, partisipa husi Provinsiál sira no Irmán diretora sira. Husi FMA TIN bá Ir Alma, Ir Cecilia, Ir Evangelina no Ir Esmeralda, hotu-hotu husi uma formasaun pré no aspirantadu, postulantadu no novisiadu. Partisipante sira husi South Pacific no CIAO menus Vietnam no Korea tanba halo ona husi Sr Nieves iha ninia vizita. Objetivu mak atu inspetoria sira asume no inkultura  “Orientamenti”, basá hanesan Sr Nieves hateten “Livru ida atu han, atu nata, atu asume, presiozu liu tanba kontein esperiénsia juniora sira-nian”. Livru ne’e iha aprezentasaun husi Madre Jerál no kapítulu neen.

Iha tempu ne’ebá mak entrega ho modu ofisiál dokumentu própriu Institutu nian ida-ne’e ba Inspetoria sira.

Íkone ba etapa junioradu ne’ebé “Orientamenti” foti mak Maria iha Kaná. Testu bíbliku Maria iha Kaná hatudu misaun mistagójika formadora nian; nakloke ba Espíritu no docibilitas juniora nian; envolve an ho atensaun preventiva husi komunidade.Ita simu konvite ba festa kazamemtu iha Kaná (Galileia), íkone ida nakloke.

Iha sira-nia sharing, diretora sira fahe kona-ba íkone Kaná nian relasiona ho formasaun ba juniora sira.

Íkone reprezenta juniora sira: kusin, noiva. Sira presiza matan moris no rona, konfiansa no laran-metin iha mediasaun, serví iha komunidade no misaun, hametin relasaun ho espozu.

Komunidade: kria ambiente ksolok, festa, iha-ne’ebé sente livre no espontánea, matan moris atu haree ema seluk nia presiza, komunidade ho intuisaun, husu kolaborasaun no kontribuisaun hhusi ema ida-idak atu harii komunidade; hamutuk harii komunidade.

Diretora: foti Maria nia fatin, rona no hamamuk an atu simu ema seluk no Maromak nia Espíritu atu gia no akompaña; matan moris ba ema nia presiza, sensibilidade, atitude atu serví; akompaña no lori ba Jezús; hatene kolabora no fó laran-metin ba ema seluk; prezensa ativa ne’ebé enkoraja no suporta iha ema sira nia leet.

Ir Alma aprezenta konteúdu introdusaun ba Orientamenti. Institutu husu ba nia an: husu atu halo diálogu ho realidade, tanba kultura ohin nian falun no forma sira. Iha kandidata sira ita haree kultura ohin nian, nune’e mós iha juniora sira. Sira hein Vida Konsagrada atu bele hala’o sira-nia vokasaun ho entuziazmu no fekundidade. Institutu simu bolu atu projeta formasaun iha pasajen husi konteúdu ba prosesu, akompañamentu pedagójiku ida klaru, mistagójiku (introdús ba mistériu). Institutu tenke iha disponibilidade atu la’o no buka ho sira (la’ós pakote prontu ona). Ita tenke forma ema atu “hafanun mundu” ho paixaun no oin umanu husi esperiénsia espirituál no fundamentu Don Bosco no Madre Mazzarello nian.

Sínteze relatóriu KJ 23: urjénisa akompañamentu juniora sira-nian, identifika liña unitária sira atu propoin iha faze formativa junioradu nian no projeta fali Segundu Novisiadu. Presiza tau matan ba formasaun formadora sira-nian atu asegura juniora sira nia formasaun kualifikada ida no akompaña sira , liuliu pasajen husi junioradu ba komunidade. Institutu bele oferese komunidade místiku-profétika, tanba kandidata sira hakarak hakotu moris mundanizmu?

Saida mak “Ámbitu Formasaun” hili?  Hahú reflesaun sira atu envolve formadora sira, liuliu sira ho junioradu intensivu; forma sira ba Evanjellu jerasaun foun sira; nesesidade formasaun kontínua ba mori sauténtika iha Espíritu no atu mantein koerénsia iha dalan kreximentu no fidelidade nian. Fó orientasaun klaru ho fundamentu atu haburas identidade vokasionál bo habiit komunidade nia dimensaun mistagójika no misionária.

Orientamenti halo atuál liután Projetu Formasaun. Buat ne’ebé tenke halo mak inkultura iha moris loroloron nian. Projetu formasaun nian mak pontu referénsia fundamentál nafatin. Ita presiza assume perkursu formativu iha tempu votus temporáneu, atu hatán ba dezafiu sira ne’ebé tempu formasaun fó ba jerasaun foun.