Husi komunidade FMA Balide

 

Dili – Iha loron 13 fulan ida ne’e iha dadersan 09:00 HTL, foinsa’e sira ne’ebé tuir kursu komputador iha komunidade S. Joao Bosco Balide, hala’o sira nia retiru nu’udar preparasaun ba festa Natal ne’ebé besik dadaun ona. Retiru ne’e hala’o husi Pe. Andi Wibowo SDB nu’udar pregadór. Foinsa’e sira ne’e hamutuk 56 feto no mane ne’ebé partisipa.  Iha retiru ne’e Pe. Andi ko’alia barak kona ba oinsa ema ida ida – idak presiza prepara nia an didi’ak, la’os deit parte liur maibe liu liu mak  oinsa ema nia fuan ba Kosok Oan Jezús ne’ebé atu to’o dadaun ona. Nia mos fo hanoin katak preparasaun ne’ebé Maromak husu  liu mai ita Sarani iha tempu Adventu ida ne’e mak haboot no haklean ita fiar hodi hein Misterio inkarnasaun Maromak Nia Oan ne’ebé halo An ba mane no mai moris iha ita nia leet. Ho Fiar ne’e mak sei lori ita atu besik  liu tan Na’i liu husi Ninia ukunfuan no hanorin sira ne’ebé Santa kreda hato’o mai ita; La to’o deit atu rona maibe buka atu kumpri no fiel ba ita nia promesa sira fiar nian iha ita nia moris loronloron nian; Atu nune’e  loron ida ita hotu bele hetan premiu boot ida mak “LALEHAN”.

Iha loron hanesan aspitante no postulante FMA no interkongregasaun mós hala’o sira-nia retiru ho padre Agostinho Soares SDB nu’udar fasilitadór kona-ba tmea “konxiénsia nian” haree husi pontudevisat bíbliku no psikolójiku. iha parte ne’e, Pe. Agostinho ko’alia liu kona-ba konxiénsia profundu ( klean) lne’ebé mai husi ema idaidak nia laran lne’ebé inspira Espiritu Santo nia tulun no halo ema konsiente ho buat lne’ebé nia fo sai husi nia laran. Konxiénsia ne’e fahe ba parte rua: ida ba labarik lne’ebé ita hare katak sira tuir sira nia mentalidade nu’udar labarik nian ida hodi hanoin hanesan sira an rasik hanesan labarik no ida tan mak konsiesia ema boot nian lne’ebé  hare katak iha idade ida ne’e presiza atu analiza ita nia hanoin sira tamba ho idade lne’ebé iha hatudu katak ema ne’e maduro ona( dewasa). Atu bele realiza di’ak konxiénsia ida ne’e, ema idaidak presiza atu rona nia an rasik lne’ebé mai husi nia laran. Ema iha liberdade atu atu tuir ninia konxiénsia rasik maibe mós buka hakaas an atu forma ninia konxiénsia liu wainhira hahú la’o sees husi buat lne’ebé los ka dook husi Maromak nia hakarak.