Dili – Loron 28 Outubru, Iha Akontesimentu rua Ne’ebé Inportantante liu mak : festa agradesimentu no Enkontru Vokasionál.

Iha dadeer oras tuku 9:00-10:30 HTL, Oratorianu no inan-aman sira ba tuir Misa iha Kapela João Paulo Segundo Tasi-Tolu.  Ho intensaun Misa agradesimentu  ba grasa hotu ne’ebé Aman Maromak haraik mai ami durante tinan ida ne’e nia laran. Agradese ba susesu hotu ne’ebé ami simu. Pe. Agostinho  do Carmo.pr, iha ninia Ómelia foti matan delek Bartimeu nia liafuan : Na’I halo ha’u ata bele haré netik. Nia dehan tan maluk sarani sira ita bele imajina iha ita nia moris ita iha dejezu barak atu hare no apresia, tanba  ne’e mak ohin ita rona iha Evanjellu Bartimeu Timeu nia oan ne’ebé tinan barak ona terus tanba la hare, bainhira nia rona Jesus liu, nia hakilar David nao Oan sadia Ha’u no Jesus fó duni buat ne’ebé nia hein durante ne’e. Nia matan bele hare fali. Nune’e sarani doben sira mai ita halai tuir  hodi husu ba Ida ne’ebé ita tau  ita nia esperansa mak Jesus. Se ita husu beibeik no ho fiar Nia sei fó duni mai ita.

Depois de Misa ami fila ba fatin Oratoriu hodi halo jogus hodi selebra festa hamutuk Oratorianu no inan aman sira. Iha ne’ebe bele hare klima familia nian

Iha loraik 3:00-5:00 estudante finalista  nain lima husi Saun Miguel no nain tolu husi Saun Pedro, entre sira mane tolu no feto nain lima mak mai tuir enkontru ba dahuluk nu’udar Vokasionál iha  Uma Novisiadu Saun José Komoro. Ir. Brigida de Sousa, Ir. Ana Manuela no Ir. Noemia de Deus mak fó formasaun  hodi fahe oituan esperensia konaba ita nia vida Salesiana nian ba sira. Hodi tulun sira atu deskobre liutan Maromak nia hakarak ba sira ida-idak.

(Honoria Santos)