Editoriál: Fiu Mornese nian sasi ho fiu Timor-Leste nian

Tinan 25 liubá Maria Ausiliadora lori nia oan-feto sira mai iha rai-nusa ida-ne’e, ne’ebé martíriu silensiozu ida haterus nia,  hodi kolabora iha konstrusaun Maromak nia Reinu nian, iha labarik, foin-sa’e sira no ema kiak sira nia leet.

Hanesan feto ida monta nia tesidura atu soru tais furak ida, husi kabas kór oioin, FMA iha Timór buka harii Mornese iha kultura no tradisaun timorense. Sira kaer fiu Maromak nia Liafuan nian ne’ebé fó serteza ba realizasaun planu Maromak nian hodi liga fiu sira no  kór hotu. Fiu osan-mean ida, ida karizma nian, sasi ho fiu wain seluk no halo fiu sira sai nabilan.

 

Ohin-loron fiu Mornese nian sasi ho fiu Timór nian; hodi hateke de’it ho matan kriativu mak ita deskobre beleza kór ida-idak nian, ida Mornese nian no ida Timór nian, no apresia ho ksolok kombinasaun kór ne’ebé hamosu dezeñu orijinál ida. Tesidura nunka hela mamuk: fiu barak mak hein atu ema hasasi no foin-sa’e no feto barak sei hein hela tais ida atu taka sira-nia pobreza no fó kór ba sira-nia moris.

Hanesan Maria, Feto Magnificat no ita-nia Inan, ne’ebé hananu Maromak nia kmanek hotu halo ba ki’ik no kiak sira, ita buka halo sai vizivel iha ita-nia moris karakterístika sira Inan nian. Hanesan Nia ita hakrak medita Liafuan ne’ebé inkarna iha ema sira no iha akontesimentu sira: rai iha fuan laran moris no halo nia buras; moris «rahun-di’ak fiar-na’in sira-nian no dedika ita-nia an ba asaun apostólika maklorik esperansa nian (C 44) iha sosiedade ida nakdoko husi nia fundamentu tanba haluha tiha ninia valór sarani sira.
Ho Nia ita hakarak sai espasu sasimuk no enkontru nian atu oferese uma ida ba sira ne’ebé la iha uma, atu sai fatin solidariedade, ospitalidade, raronak, komprensaun nian ba ki’ik no kiak hotu ne’ebé Na’i entrega mai ita.

Auguri!