Katekeze ho Papa Francisco 11/12/2013

Juízu finál mak tema katekeze Papa Francisco nian , iha kuarta, 11, iha Prasa S. Pedro. Katekeze ne’e mak ikus kona-ba profisaun fiar katóliku sira-nian. Amu-Papa ko’alia kona-ba fiar iha moris rohan-laek, atu keta ta’uk bainhira hanoin kona-ba juízu finál.

Francisco esplika katak hanoin kona-ba Kristu nia fila-hikas no juízu finál mak mistériu ida ne’ebé lori sentimentu ta’uk no inkietasaun nian, maibé iha realidade, ida-ne’e motivu konsolasaun nian no konfiansa nian ba sarani sira.

[Asesu kópia ho lia-portugés]

“Jezús nia hakohak mak plenitude moris no domin nian”, Papa Francisco hateten, hodi hatutan katak perspetiva juízu finál halakon ta’uk hotu, hodi fó espasu atu hein iha ksolok kle’an. Ne’e tanba ida-ne’e mak momentu ida iha-e’ebé ema Maromak sei julga ema prontu atu hatai ho glória Kristu nian no tama iha komuñaun definitiva ho Maromak.

Motivu daruak konfiansa nian, tuir Amu-Papa, mak serteza katak iha juízu final, ema sei la mesak.  Nia fó hanoin katak Kristu rasik ema ne’ebé tuir Nia sei hamutuk ho NIa.

Pontu seluk ne’ebé Amu-Papa destaka mak faktu katak Maromak la haruka nia Oan-Mane atu kondena mundu, maibé atu mundu hetan salvasaun liuhusi Kristu. Loloos ne’e, tuir Amu-Papa, juízu finál hah’u agora, durante moris; ema rasil mak kondena nia an rasik bainhira taka nia fuan ba Kristu nia domin. Ne’e tanba salvasaun mak abertura ida ba Jezús ne’ebé perdua ema nia salan sira bainhira nia iha arrependimentu.

“Bá oin, hodi buka loke an ba Jezús no ba Ninia salvasaun, no bá oin lahó ta’uk, tanba Jezús nia fuan boot liu. Bá oin ho serteza katak nia sei lori ita ba glória lalehan nian”.