Dili, Loron 5- 6 Outubru 2018, enkontru ba ekónoma lokál sira husi komunidade 10 ne’ebe  hela iha Timor-Leste ho tema  koñesimentu  kona Lei Trabalho ne’ebe hato’o husi Sr. Francisco Tilman nu’udar pesoal responsavel  ne’ebe esplika klaru liután kona ba  Lei Trabalho ne’ebe Timor Leste adota, bazeia ba lei orgánika SEPFOPE No 27/2015.

Objetivu ba enkontru nee mak:  Irmán  sra hotu presiza hatene Lei Trabalho nian ho di’ak,  tan nee enkontru halo ba dala rua ona ho Irmán FMA sira,  no iha loron hirak ne’e fó prioridade liu ba Ekonma local sira tanba sira mak serbisu dereita ho trabalhadores/ serbisu nain sira iha komunidade idak-idak. Husi parte SEPFOPE nian  mai esklarese liután  informasaun kona-bá lei traballu nian, hodi  nune’e  bele  fahe informasaun ba  sociedade, especial liu bá empregador nó traballador atu sira hetan ká hatene direito nó dever iha relasaun servisu nian atu hamosu ká hala’o  servisu hó hakmatek iha servisu fatin nó halo negócio iha serenidade nia laran.

Esplika mos kona ba dever sira husi empregadór tuir  (Art 20.º) iha konstitusaun.

• Fó ba traballadór kondisaun traballu ne’ebé di’ak, haree ba parte fizika no morál, liu liu kona-bá saúde, ijiene no seguransa iha servisu;
• Fó kontribuisaun atu aumente nivel produtividade husi traballadór, no fó, iha empreza ka iha liu, oportunidade ba formasaun profisionál ne’ebé adekuada ba nia postu traballu;
• Selu iha loron ne’ebé tenke selu, remunerasaun justa tuir kuantidade no kualidade husi servisu ne’ebé nia halo;

Iha mos dever sira ne’ebe husi Trabalhadores (Art 21.º)

• Tama servisu ho pontualidade no assiduidade no halo servisu ho zelu no dilijénsia;
• Tuir ordén no instrusaun sira husi empregadór, ka nia reprezentante, iha buat hotu ne’ebé refere ba dezempeñu ni dixiplina iha servisu, exetu karik la tuir nia direitu no garantia sira;
• Hola parte iha formasaun profisionál ne’ebé fó ba nia husi empregadór, exetu karik iha razaun relevante ne’ebé la fó dalan.

PERIODU NORMAL SERVISU (Art.25)

Loron no oras servisu normal:

• Periodu normal servisu labele liu husi oras 8/dia no oras 44/semana, art.25.1
• Servisu oras 5 tuir-tuir malu iha direito oras 1 atu deskansa. art. 25.2
• iha direitu deskansa semanal ho salario normal, minimo 24 oras tu-tuir malu, art.30.1
• Deskansa semanal ne’e foti iha loron domingo, bele mos foti iha loron bain-bain tuir nesessario art.30.2

STANDARD SALÁRIU MÍNIM: Bazeia ba despacho Concelho Nacional do Trabalho no  02/CNT/2012, saláriu mínimu  ba traballador Timor Leste iha US $ 115/fulan, estabelese saláriu mínimu 22 Junu 2012.

Iha lokraik Irmán Tania Aparecida, hato’o mos Seguransa Sosiál ba Irmán sira, liu-liu liga ho dokumentus sira ne’ebe presia prenxe hodi nune’e bele asegura liután ba prosesu Siguransa Sosiál ne’ ebe aplika ona iha Timor Leste.

Iha loron daruak enkontro nian Irmán Ekónoma sira hakletan liu tan Dokumentus Instituto FMA nian  kona ba Manajementu Bem comum iha Instituto nia laran tuir artigo 10 ne’ebe refere liu ba Arkiviu sira iha administrasaun nia laran.  Ikus liu Irmán sira haree fila fali budget fulan sia tuir komunidade ida-idak nia presiza.

(Ines Bartolo Freitas)