Torino (Italia) – Loron 30  Setembru 2018 iha Basilica Maria Auxiliadora Turim,  iha selebrasaun santa Misa semana da- 24 tempo bain-bain. Selebrasaun santa misa ne’e espesial no partikular tamba misa Espedisaun Neo Missionario/a da 141  : Filha de Maria Ausiliadora nain sanulu  mai husi kontinente 2 America no Asia: husi America: 1 husi Bolivia, 1 husi Paraguay, husi Asia: 3 husi Filipina, 3 husi Vietnam, 1 husi Corea no 1 husi Timor.  Hamutuk ho espedisaun  neo-missionario salesiano da-149 nain 25 husi kontinente lima. Nune’e halibur hamutuk nailulik barak tebes husi kontinente 5 tamba iha tempo hanesan ispetoria sira iha enkontro ho retor maior iha Roma. Husi Timor Padre nain 2. Iha presenza madre Mazzarello, madre Yvonne Rengout, FMA. Partisipante irman sira  sarani no foinsa barak. Canto solene dirigi husi joven turino nian hamutuk ho irmaun no padre ruma.

Santa Missa hahu iha tuku 12.00 meiodia,  ho prosesaun solene tuir grupo Neo-misionario/a FMA no SDB hafoin tuir nailulik sira. Misa dirigi husi Retor maior salesiano don Angel Fernandez  Artime, SDB.

Iha omilia koalia kona ba primeira leitura livro Numeros dehan katak Maromak tun mai iha kalohan koalia ho Moises. Husik hela mensagem 3 ba Neo- Missionario/a mak:

• Missionaria autentika iha espiritu
• Missionaria haraik-an atu rona no
• Korajem no missionaria ba sira ki’ik no mukit.

Reitor-Mor nia liafuan:

“Doben Neo- Missionario/a sira, imi laos tinan hitunulu liuba ka tempo uluk liu ba maibe ohin iha ne’e, iha ita leet, imi simu husi Na’i “parte” ida iha espiritu, espiritu salesiano, lao katak imi laiha maibe ona atu hatudu liutan.  Haruka imi laos atu halo, no atu halo, no sei halo, maibe atu lori espiritu ne’ebe Don Bosco husik hela no madre Mazzarello ita nia kofundadora ita nia irman sira. Nune’e saida mak hein husi imi? Sira ne’ebe sei simu imi? Saida mak sira hein husi imi? Saida mak imi bele fo? Buat ne’ebe ita tene halo klean no autentika, senso hola parte ba Maromak nia espiritu. Iha ne’ebe imi bele haklaken ho imi nia moris, imi nia liafuan tenki nafatin uniaun ho Maromak. Ksolok, kreativo, prontu nafatin nunka no NUNKA haluhan katak Maromak iha lalehan hein hela ita. Ita la ba mesak, ba ho ema barak ema ne’ebe ita fo ita nia moris.

Missionaria haraik-an rona. Hau nia doben sira, ita laos meste espiritu no ita laos mestre misaun no ba misaun, bolu ita atu sai atan. Ita mak buat ruma ki’ik bolu hakruuk, atu fase ain, hanesan ita nia mestre no Nai halo. Sira ne’ebe haraik an mak bele rona, liu-liu rona sira ne’ebe ki’ik, mukit. Imi ba iha sira atu rona sira nia lian, fahe imi nia moris, simu no hola parte iha sira nia susar no ksolok, haklaken liafuan SALVASAUN ne’ebe laos imi nian, maibe atu imi kontempla no rona ba ho Jesus nia espiritu. Papa Francisco iha nia Apostolic Constitution Episcopalis Communion iha sinode bispo sira nian halo referensia Maromak nia povo dala 16 iha nia introdusaun. Sublina artigo konstituisaun 6 dedika ba Maromak nia povo. Ida ne’e hanesan save atu intensifika liutan. Tamba ida ne’e dimensaun kontituisaun kreda nian. Nune’e hau konvida imi, hanesan papa Francisco halo ho ita nia bibi atan sira atu moris iha povo sira nia klaran, atu loke tilun, atu rona ba saida mak espritu dehan iha kreda. {Revelation 2.7} nune’e ha’u husu ba imi sai presente rona nain, rona ba Maromak no rona ba povo nia hakilar”.

Misionaria korajoza noresiliente ba sira ki’ik no mukit. Doben sira, imi sei hasoru povo barak iha hakarak diak, iha ne’ebe deit, balun ne’ebe iha matan la hanesan moris iha mundo, Moris no pratika relijaun seluk, maibe sira ne’ebe diak no halo diak. Admira nia furak, no hare ba buat ne’ebe loos. Maibe imi mos sei hetan terus barak tamba injustice, inqualidade, no violencia, dala barak liu husi sira ne’ebe iha poder, iha politika, sosial no economia. Imi tenke hanoin nafatin hodi loke an ba kiak no ema hanehan, hewai, tau matan, trata sira diak, liu-liu sira ne’ebe presiza duni. Imi espesial duni haruka ba sira, ohin haruka imi ba hanesan missionario missionaria ba sira ne’ebe ema hewai. Missionario sira ne’ebe moris iha nia misaun hahu husi sira ho sira, ho sira ne’ebe ema la tau matan.

Ikus hau hakarak fo ponto ruma hanesan “souvenir” ne’ebe Don Bosco rasik husi liman fo ba missionario/a sira iha primeira espedisaun, iha ne’e, iha igreja Maria Ausiliadora tinan 143 liu ba: “tau matan espesial ba moras, foin-sae, anziani no kiak sira, no imi sei sai hanesan bensaun Maromak nian, hakarak diak ema nian”

Husik ba mundu hatene katak imi kiak iha hatais, han-hemu, no imi sei riku iha Maromak nia sorin, imi sai fuan ema nian no ema fuan nian.

Ne’e mak hau nia mensagem ne’ebe hau hakarak husik hela ba imi neo-missionario/a sira missionaria autentika iha espiritu, missionaria haraik-an atu rona no korajem no missionaria ba sira ki’ik no mukit”.

(Isabel Gomes FMA-neo-misionaria husi Timor)