Programasaun 2014

 

Dili – Loron iha ne’ebé Kreda selebra Maria Imakulada Konseisaun nia loron, irmán na’in 34 hamutuk ho leigu no animadór sira forma parte komunidade edukativa na’in 19 hasoru malu iha loron daruak programasaun nian atu avalia no programa atividade sira tuir objetivu tinan 2014 nian.

Parte dadeer nian dedika ba espiritualidade Don Bosco nian. Irmán sira espesialista iha espiritualidade saleziana prepara ofisina ida kona-ba Don Bosco nia espiritualidade, hanesan Reitór-Mor husu iha ninia estréia. Ppartisipante sira fahe ba grupu lima no la’o tuir Don Bosco nia ain-fatin iha Bechi, Chieri, Kreda S. Francisco Assis, Kreda Consolata no Bazílika Maria Ausiliadora. Iha fatin iha irmán ida ne’ebé fasilita grupu ida-idak atu koñese oinsá Don Bosco sai tasak iha ninia dalan espirituál.  Leigu sira ne’ebé partisipa kontente ho metodolojia ne’e tanba sira bele aprende ho modu dinámiku uitoan tan kona-ba Don Bosco nia espiritualidade. Momentu ne’e nia tutun mak selebrasaun eukarístika ne’ebé D. Rodigo mak prezide atu hahí Maromak ba Maria Nazaré ne’ebé nia hili atu sai nia Oan nia Inan.

Iha loraik partisipante sira serbisu ho objetivu no atividade sira ba tinan 2014.

Kona-ba objetivu “Fila fali ba abut karizmatiku domin preventivu nian, hodi promove kultura relasionál”, partisipante sira identifika atividade sira hanesan:

• Oferese material formasaun nian ba kategoria sira atu sai konxiente liutan ba sakr. Konfesa no hala’o iha nivel lokal selebrasaun sakramentu nian
• Campo DB kona-ba Espiritualidade Juvenil Saleziana (MJS nasional, ba fali lokal)
• filme DB
• Prepara subsidiu kona-ba Estreia ba formasaun regular KE nian.
• Favorese formasaun karizmatika regular ba kategoria sira tuir realidade lokal
• Serbisu hamutuk ho parokia atu hakle’an dokumentu atu prepara Sinodu familia nian ne’ebe Kreda propoin
• Vizita familia atu evanjeliza: irman ruma ho leigu (LOKAL)

Atu hala’o objetivu “Haklaken Jezús ba labarik no foin-sa’e sira hodi akompaña sira ba enkontru pesoál ho Nia, tulun sira deskobre Maromak-Nia projetu iha sira-nia moris no fó kualidade ba ita-nia misaun edukativa-evanjelizadora”, ba tinan 2014 iha atividade sira hanesan:

• Hamutuk ho familia sira ita hakle’an esortasaun Amo Papa Francisco “Evangelii Gaudium” (LOKAL)
• Fo formasaun kle’an ba animador sira liuliu kona-ba animador sira nia identidade
• Preparasaun sistematika atividade oratoriu nian hamutuk ho animador sira no sai mos kriativa ba labarik no foin-sa’e sira nia leet
• Serbisu hamutuk ho katekista sira
• Komunidade edukativa identifika kiak no faluk sira, halo planu no avalia hamutuk atu halo solidariedade no ba vizita sira iha sira-nia fatin (LOKAL)
• La’o hamutuk ho labarik sira ba halo atividade, hanesan reza bairo2, atu nune’e ita bele motiva situasaun husi familia ne’e (LOKAL
• Halo konxiente aman-inan sira kona-ba oratoriu
• Hamoris grupu sira (LV, IM, DS)
• halo festa oratoriu nasional

Leigu sira remata sira-nia serbisu hamutuk ho FMA sira iha tuku lima loraik, enkuantu FMA sira kontinua ho objetivu  kona-ba  moris konsagrasaun nian.