PARABENS !

Dili, 29 Setembro 2018, iha loron ne’e selebra Festa Arkanjo sira nian (Anjo Gabriel, Miguel no Rafael), Iha tempu hanesan selebra mos Festa  aniversario DEJUCDDIL (Departamento Juventude Catolica de Diocese Dili) no mos ho festa oratorio nian ne’ebe selebra hamutuk iha loron ne’e.  Tema ba festa ne’e mak  “Foinsa’e nia kosolok mak kreda nia moris”

Foinsae no labarik  ne ’ebe partisipa iha festa ne’e mai husi grupu oin –oin ne’ebe hola parte ba DEJUCDDIL, Hanesan Departementu Juventude Katolika Deocese Dili, Kursu DTC, Oratorio ho aman inan no kolaboradores.

Selebrasaun ne’e hahu ho Eukaristia ne’ebe preside husi presidente DEJUCDDIL Pe.João Soares. iha ninia omilia nia dehan ksolok ne’e mai husi ita ema nia moris interior, hafoin hatudu sai husi ita ita nia parte fisiku hanesan ita nia hamnasa. Joven sira buka ksolok ne’ebe lolos mak iha Na’i Jesus Kristu rasik. Amo Papa  Francisco dehan: kreda ne’e joven nafatin bainhira joven sira haksolok no sai Evanjelizador ba maluk sira seluk hodi sasin moris nian ne’ebe sira hatudu iha moris lor-loron nian , “Joven Apostolo ba Joven”. Ho liafuan Saun Paolu nian ne’ebe dehan: “Susar mai hau se hau lahaklaken”

Hanesan visaun DEJUCDDIL nian ne’ebe dehan Joven Apostulado ba Joven. Festa ida ne’e halo iha centru DEJUCDDIL vila-verdi Dili,iha festa ida ne’e ho nia objetivu atu agradese ba Na’i ba graca hotu ne’ebe estrutura DEJUCDDIL  hari  husi inisiu too ohin loron bele hetan susesu ho joven sira ne’ebe liu husi uma mahan ida ne’e, hodi aprende no serbi maluk sira iha tempu defisil too ohin loron.  Padre Joao Soares mos agradese ba  ba ema hotu nia kolaborasun  e liu agradese ba Irma FMA no Frater SDB sira nia dedikasaun hodi fo an tomak ba atividade ne’ebe halao iha loron Domingo, liu fo formasaun Katekese no akompañamentu ba foinsae no labarik sira nia kreximentu spiritual nian ne’ebe simu iha fatin ida ne’e.

(Ines Bartolo Freutas)