Dili – Prátika ida ne’ebé baibain hala’o iha Inspetoria FMA Timor-Indonesia mak programasaun anuál ba tinan pastorál foun. Progrmasaun ba tinan 2014 hahú horisehik, konta ho reprezentante komunidade FMA sira.

Iha ninia liafuan abertura nian irmán Paola Battagliola, provinsiál FMA TIN salienta katak  “programasaun tinan ne’e nian iha kontinuidade ho esperiénsia furak halo durante Kapítulu Inspetoriál” hala’o husi loron 27 Outubru to’o 1 Novembru 2013. Nune’e, nia konvida atu partisipante sira iha atitude raronak nian kona-ba realidade sosiál, ekleziál, inspetoriál, misaun edukativa, foin-sa’e sira, família sira, atu bele halo dalan hamutuk no kontinua dalan konversaun ba domin.

Papa Francisco nia Ezortasaun Apóstolika Evangelli Gaudium no Reitór-Mór nia estreia hetan mós destake husi irmán Paola. Tuir irmán Paola, “aspetu barak iha konteúdu ezortasaun nian tulun atu halo salan ne’ebé Institutu hatudu  atu ‘Sai ho foin-sa’e sira uma ne’ebé evanjeliza’! Iha nia laran iha hanoin kona-ba kualidade típika espiritualidade no misaun saleziana nian. hanesan ksolok, korresponsabilidade ho leigu sira, domin preferensiál ba kiak sira, amorevolezza no laran-nurak Kreda ida nian ne’ebé Inan, Maria nia domin, feto nia valorizasaun, protagonizmu foin-sa’e sira-nian no pastoráliha aten-barani no misionária, sai ba FMA no komunidade edukativa da-idak oportunidade ba reflesaun no konversaun atu husik  evanjeliza fuan rasik no haklaken Jezús ho modu kredivel”.

“Reitór-Mor nia estreia, iha tinan ikus preparasaun nian ba Bisentenáriu Don Bosco nia moris nian, konvida ita atu ba foti husi Don Bosco nia esperiénsia espirituál, atu la’o iha santidade, tuir ida-idak nia vokasaun espesífika”, nia hatutan.  Reitór-Mor hakerek katak, “esperiénsia espirituál no kle’an Don Bosco nian iha espresaun famoza ida ‘ha buat hotu ita mak deve-na’in Maria nian’, lori ita atu sai konxiente katak atu komprende nia no ninia obra sira, imposivel se la’ós husi ninia relasaun filiál ne’ebé nia moris ho Maria”.

Loron dahuluk programasaun nian hahú hodi halo avaliasaun ba implementasaun atividade sira programa iha tinan 2013 tuir objetivu sira ne’ebé iha ona. Dinámika avaliasaun nian uza semáforu sinál tránzitu nian: kór mean, kór kinur no kór matak. Ba atividade ida-idak irmán sira buka fó kór tuir ninia degrau implementasaun nian: se la halo kór mean, se halo maibé la’ós komunidade hotu kór kinur, se halo kór verde. Husi avaliasaun bele haree katak atividade sira ne’ebé realiza mak ida nivel inspetoriál, no sira ho kór kinur no mean nia fallansu liuliu iha nivel lokál.