Tema 

Liturjia domingu ne’e nian konvida ita atu kolu an husi valór ne’ebé liu lais no egoísta. No hala’o revolusaun ida ita-nia mentalidade nian, nune’e valór fundamentál sira ne’ebé marka ita-nia moris bele sai valór sira “Reinu” nian.

Iha primeira leitura, profeta Isaías aprezenta Jahwéh nia manu-ain ida, husi David nia uma-kai, iha ne’ebé Maromak nia Espíritu horik iha Nia; ninia misaun mak harii reinu justisa no dame rohan-laek nian, iha ne’ebé sei bandu divizaun no konflitu sira.

Iha Evanjellu, João Batista haklaken katak konkretizasaun Reinu ne’e nian besik daudaun ona… Maibé atu Reinu sai realidade moris nian iha mundu, João konvida ninia maluk sira atu muda mentalidade, valór sira, atu sira-nia moris bele fó fatin ba proposta ne’ebé atu mai… “Ida-ne’ebé atu mai” (Jezús) propoin ba ema sira batizmu ida “iha Espíritu Santu no iha ahi” ne’ebé sei halo sira sai “Maromak nia oan” no ho kbiit atu moris dinámika Reinu nian”.

Segunda leitura dirije ba sira ne’ebé simu Jezús nia proposta Reinu nian: nu’udar Kristu nia oin vizivel iha ema nia leet, sarani sira tenke fó sasin uniaun, domin, partilla, armonia entre sira, hodi simu no tulun maun-alin sira ne’ebé fraku liu, tuir Jezús nia ezemplu.

Download