Dili, 24 Novembru 2013

Irmán doben sira,

ita foin hotu ita-nia Kapítulu Inspetoriál no, hanesan tinan tinan, tempu to’o ona atu halibur hamutuk fali hodi programa tinan ne’ebé sei mai.

Ita-nia programasaun sei hala’o loron:

7 Dezembru 2013

tuku 16.00

iha Centro “João Paulo II”.

 

Loron 8 Dezembru tuku 9.15, ita-nia Programasaun sei hala’o hamutuk ho leigu no foin-sa’e sira ne’ebései hela ho ita to’o tuku 17; hafoin irmán sira sei kontinua serbisu mesak.

 

Loron 9 desembru, ita-nia programasaun sei kontinua iha nivel interambitu no loron 10 sei hala’o enkontru ho diretora sira no konsellu  inspetoriál atu bele halo sinteze kona-ba buat ne’ebé asembleia no ambitu sira propoin.

Ami konvida husi komunidade sira partisipante sira ne’e:

• animadora lokál ho konsellu lokál
• irmán sira ne’ebé kolabora iha ambitu sira
• hamutuk ho leigu eh foin-sa’e sira ne’ebé servisu hamutuk ho responsabilidade iha komunidade (bele to’o na’in 3).

Atu bele partisipa no fó imi-nia kontribuisaun ativa, ami husu atu lori “Programasaun Tinan 6 nian” no “Programasaun 2012-2013” (se leigu ka foin-sa’e sira la iha tanba la partisipa bainhira sr. Paola aprezenta Programasaun 2012-2013 iha komunidade, bele fotokopia karik, nune’e sira mós partisipa ho ativu).

Irmán sira presiza lori mós livru orasaun nian.  Tuir mai, komunidade ida-idak  sei hetan knaar kona-ba liturjia.

Ami husu mós atu prepara an ho orasaun, atu buat ne’ebé ita sei programa no hakotu bele tuir Maromak nia hakaran ba ita-nia Inspetoria no komunidade ida-idak.

Hodi hein imi hotu, ami hato’o ami-nia kumprimentus.

 

Ir. Paola Battagliola

no Ekipa Programasaun nian

 

P.S.: Ami husu favór atu komunika ba ir. Alma molok 2 Dezembru, ema ne’ebé sei tuir Programasaun, nia naran. Obrigada.