Dili – Iha 3 Setembru Formandes sira inter-kongregasionál halo semináriu ho tema  kona-ba: “SEKSUALIDADE”. Fatin iha Madres salesiana Balide Cristal, oradora mak Me.Alma Castagna,FMA. Seminar ida ne`e  hetan partisipasaun husi formande hamutuk 102 pessoas, husi Kongregasaun 12.

Ami formandes sira sente kontente teb-tebes ho seminar ida ne’e, tamba liu husi Madre nia esplikasaun halo ami komprende liu tan saida mak “SEKSUALIDADE” ?, diferensia entre atetude husi mane no feto no oinsá ami bele komporta – an nu’udar formandes  ida ne’ebé atu koñese liu tan ami nia an rasik no liu husi kultura hodi hatudu modelo atu moris nudar mane no feto loos, tan ne`e mak Seksualidade nu`udar personalidade nia parte fondamental, Nu`udar DNA no sai mos hanesan meiu-komunikasaun ida atu kria komuñaun entre ema.

Seminar ida ne’e importante tebes ba ami formandes sira tamba seksualidade ida ne’e nafatin la’o ho ita maske ita hili dalan vida relijioza nian; no sai nu’udar relijioza ida ami nia isin no klamar mós sai hanesan perseverante ka hamro’ok ba Maromak nafatin.

Agradese wa’in ba formadores sira ne’ebé bele organiza seminar  ida ne’e, liu-liu agradese ba Me. Alma nia disponibilidade hodi fahe ninia matenek mai ami, maske iha buat barak atu halo maibe nia dedika nafatin ninia tempo atu tulun ami iha dalan formasaun nian, hodi kuiñese diak liu tan ami nia-an, ema seluk  hodi bele halo dalan atu  simu ami nia istoria rasik.

[Post. Sylvia Lemos Do Rêgo]