Cassa – lha oron 30-Agostu-2018, Irmánn nain 2 ho novisa nain 2,  ba halao apostuladu iha Cassa Ainaro, to’o iha Cassa, oras tuku 4.00 loraik, hafoin lao atu konvida joven no labarik sira atu reza tersu iha kapela, kontinua  kedas ho animasaun ho labarik no foin-sa’e sira  iha kapela oin. Depois de animasaun mak ami halibur sira iha kapela laran hodi reza tersu hamutuk no  ho tempu hanesan Irmánn. Armenia  fo  boa-noite badak, ne’ebé koalia kona ba motivu reza tersu tuir Don Bosco nia hanorin, devosaun ba Na’i-Feto mak ita sei haree saida mak milagre. Hafoin fahe malu. Iha loron tuir mai 31 de agostu, Irmánn sira sai husi uma konvida foin-sa’e sira husi SOLS no SMP sira balun ba hamutuk ho Irmán sira iha eskola primária liu-liu ho V ano no VI ano, hodi hala’o atividade hanesan Jogos no animasaun kona ba Biblia. Joven no SMP balun hamutuk ho Irmán Armenia prepara  kanta ba domingo nian.

Iha lorokraik, oras tuku 2.00 Irmán sira ba iha eskola,no hala’o atividade ho terseiro siclo sira no tempu hanesan konvida sira atu hasoru malu iha igreja  hodi reza tersu hamutuk ho sira, inklui mos profesores balun ne’ebe tuir.  ikus mai sira ne’ebé partisipa hamutuk 105 pesoas. Tersu hotu tiha labarik sira fila ba uma no boot sira hamutuk ho professores sira tuir formasaun kona ba BIBLIA jeral ho  Irmán Armenia, iha 8.30 mak foin remata atividade.

(Teresa Correia – novisa)