Dili – Retiru tinan ida ne’e nian, 2018 halao iha sentru formasaun João Paulo II, Dili Comoro. Irmán sira ne’ebé partisipa iha retiru ne’e maioria Filhas Maria Auxiliadora, iha mos Irmán husi kogregasaun seluk, mak hanesan kongregasaun  Discipulas de Jesus Eucaristia no Irmán husi kongregasaun Misericordia. Partisipantes sira hamutuk ema nain 40. Pe. Acacio de Castro, SDB mak nu’udar pregador ba retiru  tinan ida ne’e. Retiru hahu oras 4.30 otl, hodi loke retiru ida ne’e madre provinsial, Me. Alma Castagna hahu ho liafuan introdusaun  hodi fo bemvinda ba Irmán sira hotu ne’ebé partisipa iha retiru ne’e. Nu’udar   lian maklokek madre subliña katak, tema tinan ida ne’e sei la’o hamutuk  ho sínodu kreda nian, ne’ebé reflete kona ba “ Discernimento, Akompañamentu no Vokasaun”. Iha boanoite  sei reflete kona ba fuan ne’ebé mai husi Espíritu Santu, ita nia hahalok sira la’o ho Espíritu Nia kbiit, hanesan Papa Francisco nia liafuan ne’ebé dehan: Espíritu Santu hanorin mai ita atu hateke ba Kristu nia matan, Espíritu Santu mak nu’udar be matan moris nian iha ita. Momentu retiru mak momentu silensiu nian, kontemplasaun no orasaun, ita husik orasaun no kontemplasaun dada ita nia atensaun atu buka Maromak Nia hakarak.

Missa hahu nian, ba Espíritu Santu,  iha Padre nia omilia nia foka liu ba Espíritu Santu, molok fahe ninia reflesaun hahu uluk ho istoria badak kona ba “ susu ben kopu ida”, labarik kiak ne’ebé hamlaha no ikus mai hetan tulun husi ema laran diak ida ne’ebé fo susu-ben kopu ida ba labarik ne’e. husi istoria badak ne’e nia mensajen mak prezensa Espíritu Santu nian mai husi dalan oioin, bele husi ema kiak, riku, husi labarik ka ema boot, prezensa Espíritu Santu mak prezensa Maromak nian, atu hafoun hikas ema , atu sobu no harahun element particular balun ne’ebé iha ema nia fuan, halo ema atu konsiente fila fali kona ba nia-an, hatutan tan katak tempu retiru laos deit para no hafoun maibé buka no deskobre buat diak no murak ne’ebé Maromak  kumpri halo iha ita nia moris, buka atu deskobre buat ne’ebé Maromak hakarak laos ha’u nia hakarak.

 

Tópiku hirak Padre  aprezenta durante semana ida nia laran mak kona ba : 

• GOD IS LOVE (1 Jo.4:16)
• THE MOTHER OF THE CHURCH- QUEEN OF APOSTLES
• JESUS CHRIST- THE IMAGE OF THE INVISIBLE GOD
• JESUS CHRIST- CALLS ME
• THE VOCATION- GOD’S GIFT
• THE RELIGIUS GOOD SHERPED
• A MAN OF GOD
• A MAN OF PRAYER
• OBEDIENCE
•  THE EUCHARISTIC AND  RELIGIUS LIFE
• REJOICE AND BE GLAD

Tópiku hirak ne’e mak Padre  fahe ho ami durante semana ida; iha boanoite madre Alma fahe kona ba  aifuan Espíritu Santu nian, ne’ebé fo hanoin kona ba prosesu lao dalan nian iha ita nia jornada moris nian.

Loron ikus iha renovasaun votus ba  Irmán juniora sira nain  15,   tempu hanesan Padre Acacio mos hato’o ninia mensajen ba hirak ne’e liu husi omilia ne’eb’e dehan katak “ momentu renovasaun mak nu’udar passu ida ne’ebé lori ita ba kotuk, atu haree fila fali oinsa sente emosaun iha primeira profisaun. Renovasaun konvida ita atu haboot ita nia fiar no domin ba Maromak no foinsa’e sira, ho meius rezerva momentu hakmatek hodi kontinua dialogo Ho Maromak, liu husi  sakramentu eukaristia no rekonsiliasaun. Hanesan Saun Paulo ne’ebé dehan: “ Kristu mak moris iha ha’u” la’o ba oin nafatin ho fidelidade, korajen.

(Maria Sarmento Guterres)