Husi Ir Albina no Ir Teresinha FMA

 

Quelicai – Iha loron 15-17- 2013,animadór hosi sentru oratóriu SDB no FMA hotu-hotu hanesan Fuiloro, Lospalos, Laga, Baucau, Venilale, Dili, Kailako, hala’o enkontru hamutuk ho responsavel pastorál juveníl (Me. Alma no Pe. Elias). Enkontru ne’e realiza iha Quelecai, ho partisipante, animadór/a hamutuk 70, Madre 10, irmaun  SDB 2 no Padre 1.

Objetivu ba enkontru ida ne’e mak: Halo avaliasaun anuál ba material hotu ne’ebé oratoriu ida-idak simu no uza iha tinan ida-ne’e nia laran. Materiál sira ne’e mak hanesan: katekeze, Lectio Divina, atividade, nst. Objetivu seluk mak, fó proposta no sujestaun ba atividade oratóriu nian iha tinan ne’ebé mai(2014), liuliu fó importánsia ba formasaun animadór, bazeia ba ESTREIA Reitór-Mor 2014.

Atividade ne’ebé realiza iha enkontru ne’e mak: avaliasaun anuál 2013, serbisu grupu hodi fahe ba malu esperiénsia no atividade oratóriu sentru ida-idak nian, selebrasaun atu taka Tinan Fiar nian no aprende kanta animasaun no jogu foun sira.

Enkontru ida-ne’e tulun tebes animadór/a hotu atu hafoun fali sira-nia entuziazmu no kompromisu hodi hala’o ho konxiénsia no responsabilidade sira-nia knaar nu’udar animadór/a ne’ebé kompetente iha labarik no foin-sa’e sira nia leet.