Venilale – Iha dia 27 de Juñu grupu ida husi Australia mai vizita Orfaun sira. Sira hamutuk nain 10 : Profesor nain ida o profesora nain rua no alunus nain 7. Sira husi eskola ‘’ PADUA COLLEGE ” nian. Entre sira ne’e iha ema nain rua ne’ebe mai dala rua ona iha orfanatu mak senhor “Anthony Barnhoorn no mestra Samantha Vinson” sira seluk foin primera vez mai Timor no sente kontente liu tanba ema simu sira ho diak. Sira to’o iha Venilale tuku 1: 00 lokraik,  sira han no toba iha “Guess House” Sta. Maria Mazzarello nian maibé ba halo aktividades ho Orfaun sira. Tuku 2 : 15 sira tun ba Orfanatu atu halimar ho labarik sira no halo aktividades  oin-oin ho sira. Wainhira sira to’o ami simu sira ho dansa no kanta,hotu tiha halimar oituan no halo animasaun hamutuk ho sira.

Depois de animasaun sira hahú kedas halo aktividades hamutuk ho labarik sira, sira hanorin labarik sira oinsa atu halo “Fesu tau ba fu’uk, topeng festa nian, no ikus mak halo Animal nia oin,  hodi uja meas, fita no kabas. Wainhira aktividades hotu ami agradese sira ho kanta ida no dansa ida. Sira mos agradese labarik sira tamba hanorin sira dansa no sira sente kontente liu ho amizade ne’ebé halo ho labarik sira nune’e sira mos fó hela presente oituan ba labarik sira depois merenda hamutuk no fahe malu.

Loraik ne’e furak liu tamba nakonu ho aktividades no hetan partesipasaun maksimun husi labrik sira, no sira sente kontente liu tamba bele aprende tan buat ruma foun ba sira nia-an,husi ami nia parte ami agradese barak ba estudante Australiano sira tamba sira fó sira nia tempu no fahe talentu ne’ebé sira iha ba labarik sira. Maromak sei rekompensa ba diak hotu ne’ebé sira halo. Loron tuir mai iha dader, depois de misa sira tun ba orfaun ajuda sui labarik sira nia fu’uk, fase bikan no koa modo, depois komprimenta labarik sira wainhira atu ba eskola . Profesora Sam Vinson hakerek liafuan sira ne’e moluk fila fali ba Baucau:  “On behalf of Padua College, we have had an amazing time with the girls. We have shared many smiles and laughter. Thank you very much for all the work you do and the time and love you provide to the girls. ”

Esperiensia ida ne’e hariku labarik sira ho amizade foun, aprendizajem oin-oin liu-liu sira  esperimenta mos domin, ksolok no larak luak .

(Domingas Pereira)