Venilale – Loron 23 Juñu 2018 iha vijília solenidade São João Baptista nia moris oratoriu sentru 4: Wai-Bua, Wai-Hako, Lia-Oli no Sunday School(orfaun)selebra hamutuk  kolaraborador/a sira inan aman selebra festa Oratoriu nian ne’ebé tuir loloos selebra iha 23 de Maio, tanba hodi hanoin Na’i-Feto Maria Auxiliadora nu’udar mahein ba komunidade maibé tanba razaun pratika ruma nune’e la konsege. Tan ne’e komunidade muda fali ba fulan Juñu, fatin ba selebrasaun hamutuk  nian mak  sentru Oratoriu Lia-Oli.

Tau hamutuk ho festa Oratoriu nian ami mós  selebra festa agradesimentu nian, ba madre Cecilia ne´ebé  diretora ne’ebé sai hanesan tali komuñaun no Sentru unidade nian entre sentru oratoriu- 4 ne’e.  Maibé molok  ami nia hahú aktividade  sira, madre Cecilia fó formasaun ba inan no aman sira ho tema :” rona”.

Hafoin iha Tuku 15:00 hahú ho Selebrasaun Eukaristia ne´ebé selebra husi Pe. José de Sá padre Reitor, iha Padre nia omilia Padre hateten katak nu´udar família Salesiana ne’e mak momentu ne’ebé furak ba familia salesiana atu agradese ba Maromak ba kmanek hotu ne’ebé  imi simu durante hamutuk iha oratoriu, padre mós ko’alia kona ba  tanba sa mak selebrasaun S. João Baptista nia festa iha Domingo, tanba Santa bain bain selebra de’it anivesariu moris nian ba ema na’in tolu ida mak Maria Santissiman iha 8 de setembru, Jesus nian iha 25 de Dezembru no ida mak ohin S.João Baptista ninia, tanba nia mak perkursu/ prepara dalan  ba Jesus, no nia mós hanorin mai ita atu ko’alia lialos No banati tuir Jesus ninia ain fatin sira.

Missa hotu tiha ami hahú kedas ho jogus oioin ne’ebé partesipa maximun  husi oratorianu sira, tanba joga hamutuk ho sentru 4 husi fatin la hanesan sai momentu amizade no konfraternizasaun nian, tanba  eduka mós  sira la’oos de’it atu hatene manan maibé hatene mós atu lakon simu malu joga hamutuk, hadomi no perdua malu wainhira la manan. Nune’e sai momentu furak liu hanesan momentu familia nian, tanba oratoriu sira nia familia akompaña to’o remata. Nune’e wainhira jogus hotu, ami han hamutuk, no fahe primeiru no fila mai uma. Ami mós hakarak agradese ba sentru Lia –Oli ne’ebé prepara fatin, aihan no mós transporte atu lori fila fali  hotu mai ida-idak nia uma liuliu ami nia agradesimentu ba Senhora Leonizia nia familia (ita-nia Antigas Alunas), ba imi nia laran-luak Na’in sei rekompesa fali.

(Domingas)