East Asia-Oceania Regional Conference: The State of Salesian Historiography and the Conservation and Development of the Salesian Historical Patrimony in the Region (4-8 Novembru 2013)

Cebu (Filippinas) – “Ita ne’ebé naroman nia oan sira, hatene sai kriativa bainhira serví Maromak no ita-nia maun-alin sira?” Ne’e mak pergunta ne’ebé padre Carlo SDB husu iha ninia omilia iha Eukaristia agradesimentu nian ohin dadeer, ba konkluzaun semináriu istoriografia saleziana nian, maski sei iha serbisu loron tomak. Nia hateten katak bainhira ko’alia kona-ba ita-nia projetu pesoál, ita nafatin hetan hetan solusaun ba difikuldade sira, tanba ita hetan satisfasaun hodi halo buat ne’e. Bainhira trata kona-ba Maromak nia projetu, difikuldade sai barak loos, ita lamenta kona-ba ema eh kona-ba situasaun ohin nian, nst.

Hafoin nia konfronta ho Don Bosco nia esperiénsia oinsá nia hasoru difikuldade. «Difikuldade sira dudu nia atu buka solusaun, no nia nafatin konsege tanba ninia interese ida de’it mak Maromak nia Reinu no ninia domin ba foin-sa’e sira la’ós egoista, laran-di’ak no kriativu. “Atu salva klamar sira ha’u la laran rua atu rasta ha’u-nia nanál iha lurón husi Valdocco to’o Superga!”».

Padre Carlo mós hato’o entrevista ida Journal de Rome halo ba Don Bosco iha 1884, karik santu dahuluk atu submete an ba téknika jornalista, ne’ebé amerikanu ida inventa iha 1859.

P. Atu harii uma barak iha nasaun barak, milagre saida mak ita halo?

R. Ha’u haka’as an atu konsege barak liu fali buat ne’ebé ha’u hein. Ha’u never rende: Na’i-Feto hatene nesesidade sira ita-nia tempu nian no nafatin tulun ha’u…

P. Se ha’u la’ós indiskretu, ita halo ona milagre?

R. Ha’u nafatin koko atu hala’o ha’u-nia knaar. Ha’u harohan no konfia iha Na’i-Feto nia tulun.

P. Ita hanoin saida kona-ba difikuldade sira Itália nian, Europa no ninia futuru?

R. Ha’u la’ós profeta. Imi jornalista sira mak hanoin imi profeta: imi bele koko siik futuru. Loloos Maromak de’it mak hatene. Hateten tiha ne’e, nu’udar ema ha’u la’ós otimista. Maibé ha’u la ta’uk. Maromak sei salva ninia Kreda, no Na’i-Feto, ne’ebé proteje ita vizivelmente, sei hamosu makso’ik, ema ho kbiit atu sakrifika sira-nia moris.

Maromak nia Liafuan atu sai administradór matenek ne’e husu ita atu ita sai administradór di’ak ba Maromak nia projetu sira hodi sai “naroman nia oan sira” ne’ebé bele tulun ita hala’o knaar didi’ak liga mós ho knaar konservasaun patrimóniu kulturál nian.

Santíssimu Sakramentu iha Kreda S. Pedro Kalungsod