Baucau – Ohin loron 13 fulan Juñu 2018, loron festa S. António de Lisboa, nu’udar padroeiro parokia Vila Antiga Baucau, no padroeiro Polisia Timor Leste nian. Nune’e durante preparasaun ba festa ida ne’e PNTL hola responsavel masimu iha atividade Kreda nian, akompaña peregrinasaun husi 11-12 ba suku Samalari, to’o lori fila fali mai iha Parokia Sant’Antonio nian no mós ohin sira responsavel ba koro no leiturasira ba Santa Misa ohin nian. PNTL sira kontente hodi hola parte ba atividade Kreda nian, no mós Kolonel Sant’Anotnio nu’udar sira-nia mahein sira senti katak festa ne’e sira nian duni.

Aleinde festa Parokia no PNTL nian, iha mós labarik sira 130 mak halo sira-nia premeira komuñaun ka simu Jezús ba dahuluk iha sira-nia moris nu’udar sarani.Durante umilia paroko padre Manuel ximenes, haktuir milagre Sant’Antonia nian ne’ebé wain maibé nia hili milagre 3:

Dahuluk kona-ba dezafia no milagre kona-ba haklaken Maromak Nia Fuat lian nian. Dehan katak, wainhira Sant’Anotnio haklaken Maromak Nia liafaun ba ema sira, maibé ema hotu lakohi rona nia, no hotu fila kotuk ba nia, nune’e Sant’Antonio fila oin ba tasi hafoin bolu ikan sira atu rona nia haklaken, “tebes duni katak ikan sira tur iha tasi leten hodi rona nia, hafoin hotu tiha nia haklaken nia fó bensa ba ikan sira hafoin ikan sira tama fila fali tassi”.

Iha milagre daruak nian, nia dehan: “Ema judeu ida ho nia kuda buru liu iha Sant’Antonio nia oin hafoin dezafia nia kona-ba Santissimu Sakramentu. Ema ne’e dehan ba nia: “Ostia ne’e saida ba iha laran, ne’e la vale buat ida, ne’e halo husi trigu no ne’e trigu de’it, ha’u lafiar katak ne’e mak Maromak”. Sant’Antonio rona tiha nia kolia, hafoin husik nia liu ho nia kuda buru. Wainhira haree katak ema ne’e la’o ba iha nia dalan, Sant’Anotnio bolu ema nia kuda buru ne’e dehan: “Kuda buru, ó ne’ebé Maromak kria ó, mai adora Maromak ne’ebé kria ó ne’e,! Kuda buru husik nia na’in halai mai adora Jezús Santissima hanesan ema, hakne’ak no hakruuk ba Jezús Eukaristia. Ema ne’e haree no nia hus perdaun hafoin husu atu simu sakramenti batizmu”.

Milagre datolu, kona-ba aman ida ne’ebé duun nia oan iha nia inan nia knotak ba mane seluk. “BEBE IHA NIA INAN NIA KNOTAK KOALIA HODI JUSTIFIKA NIA AN NO HATUDU NIA AMAN LOLOOS NIAN. Iha familia, mane ida lakohi simu nia feen tanba nia dehan, oan ne’ebé iha nia feen nia knotak ne’e ema seluk nian la’os nia oan. Feto  ne’e halai sai husi uma ba tanis ba Sant’Antonio, kona-ba ninia situasaun ne’e. Sant’Antonia haruka feto ne’e ba nia uma. Hafoin Sant’Anotnio ba tuir to’o nia uma no bolu feen no laen hamutuk mak nia husu ba bebe ne’ebé iha kabun laran nue’e: “ó, bebe, ó se nia oan loloos? Labarik husi nia inan nia knotak hatan ba Sant’Anotonio: “ha’u-nia aman mak tur hela ho itaboot ne’e”. Nune’e mane ne’e simu fali nia feen. Ne’e milagre tolu de’it maibé iha milagre wain ne’ebé Sant’Antonio halo iha nia moris tomak. Loron oihn di’ak atu reflete Santo nia ne’e moris ho husu nia atu haraik grasa ba ita hotu.

(Lucia Pereira)