«Instrumentum laboris» prepara ba asembleia jerál ordinária Sínodu bispu sira-nian
Atu tranzmite fiar sarani
Ne’e laós kestaun organizativa ka estratéjika ida. La’ós mós problema ida kona-ba buka kona-ba modelu alternativu ba forma atuál sira asaun pastorál nian. La’ós mós elabora «Evanjellu foun» ida, tanba «Jezús Kristu hanesan horisehik no ohin no nafatin». Entaun, katak sá «evanjelizasaun foun»? Ho modu esensiál hakarak dehan «resposta adekuada ida ba sinál sira tempu nian, ba nesesidade sira ema no povu sira ohin nian, ba senáriu foun sira ne’ebé hatudu kultura ne’ebé husi nia ita esprime ita-nia identidade no buka sentidu ba ita-nia ezisténsia sira». Ho liafuan seluk, «iha korajen atu propoin filafali kestaun kona-ba Maromak iha mundu ida-ne’e» liuhusi testemuñu ida fiar nian ne’ebé bele hetan «kualidade no motivu sira», hodi nune’e oferese ba ema sira ita-nia tempu nian posibilidade razoável ida no dadadak/atraente atu sai husi «dezertu interiór» iha-ne’ebé ema moris bá.
Asembleia jerál ordinária Sínodu bispu sira-nian, ne’ebé programa tiha ona husi loron 7 to’o 28 Outubru kona-ba tema «Evanjelizasaun foun ba tranzmisaun fiar sarani», simu apelu atu konfornta an ho liña bázika sira ne’ebé Instrumentum laboris sujere, aprezenta horisehik dadeer, 19 Juñu, iha Sala Imprensa Santa Sé nian.
Nia maka rezultadu sínteze resposta sira-nian ba Lineamenta mai husi Konferénsia episcopal sira, husi sínodu bispu sira Igreja oriental katólika sui iuris, husi organizmu sira Cúria romana nian no Uniaun superiór/a-jerál sira – no mós husi instituisaun no institute vida konsagrada nian, leigu sira, membru sira asosiasaun no movimentu ekleziál sira. Dokumentu ne’e oferese kuadru kompletu atividade evanjelizadora nian. Liuliu hatudu ba padre sinodál sira tema lubuk ida ne’ebé tenke hakle’an «atu Kreda bele kontinua realiza ho modu adekuadu obra evanjelizasaun nian, hoditau iha oin dezafiu no difikuldade sira husi mundu atuál». Hanesan iha lineamente nia hatudu senáriu ualu – husi ida kulturál, karateriza ho sekularizasaun, to’o ida migratóriu, ekonómuki, polítiku, peskiza sientífika no teknolójia, komunikativu no relijiozu – ho dezafiun barak seluk tan.
