East Asia-Oceania Regional Conference: The State of Salesian Historiography and the Conservation and Development of the Salesian Historical Patrimony in the Region (4-8 Novembru 2013)

Cebu(Filippinas)  – Semináriu istoriografia  ohin nian lori partisipante sira atu haree esperiénsia sira oinsá iha Kongregasaun SDB no Institutu FMA halo istoriografia no konservasaun no valorizasaun dokumentu sira no patrimóniu kulturál nia iha. Hafoin iha mós esperiénsia sira ne’ebé arkivista husi Universidade S.Tomas (UST) Manila nian fahe kona-ba sira nia modalidade konservasaun nian.

Aleinde ne’e, provínsia SDB no FMA balun fahe mós sira nia esperiénsia hanesan SDB Filippinas Norte, husi Tailándia FMA no irmán sira funda husi D. Pasotti no partilla husi irmán Caritas Jesus husi Japaun.

Kona-ba oinsá konserva, istoriadór sira maski sujere atu uza meiu teknolójia moderna nian hanesan dijitilizasaun, sira hanoin katak meiu ne’e iha ninia frakeza tanba kontinua troka ninia suporte nune’e presiza nafatin transfere serbisu sira halo ona ba meiu foun. Nune’e sira sujere katak di’ak liu kontinua uza meiu antigu prezervasaun nian hanesan monje sira halo hodi uza surat-tahan no tempu hanesan halo dijitalizasaun. Meiu modernu ne’ebé sira hanoin di’ak liu mak microfilm.

Buat importante ne’ebé konferénsia sira ohin hakarak foka mak sensibilizasaun atu tau matan ba dokumentasaun, ba mentalidade konservasaun ita-nia patrimóniu sira ba jerasaun foun ne’ebé sei tuir mai. Se ohin ita iha difikuldade atu buka tuir ita-nia fonte sira, husi ne’e ita buka atu husik ba jerasaun tuirmai dokumentasaun ne’ebé di’ak, ordenadu, kompletu no konserva di’ak hodi la lakon kontinuidade memória nian, nune’e sai fiél nafatin ba abut. Se Konsíliu Vaticano II konvida ita atu fila fali ba abut, istoriografia iha papél importante atu trasa fali orijen Institutu nian.