Formande sira halo “Mornese camp”
![Formande sira halo “Mornese camp”](https://www.fmatin.org/wp/wp-content/uploads/2018/06/mornese-camp1-800x500_c.jpg)
Balide, loron 08 Juñu 2018, iha loron Solenidade Sagrado Coração de Jesus, Formande sira hamutuk 23, kompostu husi pre aspirante 7, Aspirante 3, Postulante 4 e Novisa nain 9 halibur hamutuk iha Komunidade FMA Balide hodi deskobre orijinalide Mornese nian liu husi kampu Mornese ne’ebe halao iha loron rua nia laran, husi loron 8-9 Juñu 2018.
Molok atu hahu atividade ba loron dahuluk nian hahu ho orasun, hafoin Irman Veronika Kusnadi aprezenta kedas “Madre Mazzarello nia laran manas ba misaun”. Furak atu hatene Madre Mazzarello nia vokasaun no liu-liu nia vokasaun ba rai misaun, nee mak Maromak nia planu ba ema ida-idak atu deskobre no valoriza liu tan iha moris konkretu. Madre Mazzarello nakoku ho vida, entuziasmu. Uluk nanain iha nia vida tomak mak buka atu haburas nia domin ba Jezus ne’ebe sai sentru ba nia. Liu husi domin ida ne’e mak nia buka atu habelar ba mundu tomak, no ida ne’e nia realize molok nia mate.
Tuir mai mak halo labratorium Mornese nian tuir etapa ida-idak no mos esplikasaun kada fatin ida-idak ho konteudo tuir etapa Mornese nian, hahu husi: Mazzarelli ne’be aprezenta husi Ir. Isabel Gomes, Possu Mornese husi Ir. Esmeralda Soares, Valponasca no Borgoalto husi Ir. Julia Marçal, no ikus kolejiu husi Ir. Evangelina Xavier.
Hodi rona esperesnsia ne’ebe Irma sira fahe kona ba Mornese iha grupu ida-idak, formande sira sente haksolok no hakarak mos fahe sira nia sentimente kona ba Moris Mornese nian ne’ebe sira oras ne’e sente
Husi Aspirante Tary:
Liu husi kampu Mornese nian tulun hu pesoalmente atu haburas liutan hau nia vokasaun hodi koñese liutan Institutu FMA nia misaun no mos hakaas an nafatin lao tuir Madre Mazzarello nia ain fatin hodi buka hadomi Jezus liu husi karizma Saleziana.
Husi Postulante Silvia Lemos
Kampu Mornese nian ne’e furak tebes ba ami formande sira, esperensia ne’e halo hau sente kontente liu tanba ezemplu Madre Mazzarello nian ne’ebe nia iha mak uluk nanain domin boot ba Jezus liu husi ninia laran manas misionaria nian no ba buat hotu Maromak entrega ba nia. Husi esperensia ne’e tulun hau atu kria relasaun diak ho Jezus iha hau nia jornada lor-loron nian.
Husi Novisa Engracia Gama
Husi kampu Mornese ne’e halo hau koñese liutan espiritualidade Mornese iha tempu uluk nian, liu-liu husi Madre Mazzarello nia sasin moris nian ne’ebe Irman sira husi ekipa Foramasaun sira nia kriatividade hodi aprezenta mai ami oinsa Madre Mazzarello nia laran manas misionaria nian ne’ebe nia hakerek liu husi surat sira, maski nia rasik la sai misionaria Ad Gentes.
Iha kalan Formande sira mos hato’o mensajen badak liu husi Madre Mazzarelo nia drama ne’ebe koalia kona ba Dixernimentu Vokasional ne’ebe hatoo husi Pre Aspirante no Aspirante sira, Ambiente edukativa Mornese nian husi Postulante no menina kolejiu Balide, FMA sira iha mundu tomak no mos fundasun dahuluk FMA iha Timor
Loron ikus nian Madre Alma Castagna nu’udar Provinsial TIN nian, mai hamutuk ho formande sira hodi fahe liafuan iha loron ikus nian hodi dehan: Presiza sai ema ne’ebe haraik-an tan ita lahatene buat barak, liu-liu atu sai ema transparensia ho ojetivu ne’ebe loos. No mos atu sai ba rai misaun ita tenke sai ema neebe tasak tanba razaun ida mak ba ita atu sai misionaria ou haklaken nain.
Husi : Formande sira