Iha Domingu X Tempu Komún nian, Maromak nia Liafuan lori ita atu medita kona-ba ita-nia resposta moris nian ba Maromak nia projetu mai ita, iha liberdade atu hili di’ak no aat.

Evanjellu sentra ita-nia matan iha Jezús, ne’ebé ninia maluk rai nian, entre sira ne’e nia familiár sira, la aseita Nia nu’udar Maromak nia Manu-Ain no la komprende, até ba kontra Maromak nia vontade hatudu iha Jezús. Iha dalan fiar nian, ema ida-idak livre atu hili: namkari iha sentidu moris nian, eh horik iha família ida mesak Jezús nian, «sira ne’ebé halo Maromak nia hakaran».

Iha leitura daruak subliña katak, ba sarani ida, moris iha sentidu de’it iha serteza moris-hi’as nian, iha dalan vida interiór nian ne’ebé hafoun loron ba loron iha perspcetiva etermidade nian. Iha orizonte neo-testamentáriu ne’e, ita sei medita ho modu partikulár leitura dahuluk ne’ebé hatudu mai ita, hodi uza istória mítika Adão no Eva nian, saida mak akontese bainhira ita rejeita Maromak nia proposta sira no prefere dalan sira egoízmu nian, foti-an nia no auto¬sufisiénsia nian… Moris hodi tau sees Maromak lori ita atu tuir dalan terus nian, destruisaun nian, ksolok-laek nian no mate nian.

Download