Dili – Ohin ho ksolok boot  Oratoriu Maria Auxiliadora no Oratoriu João Paulo II loke fulan  Nain feto Maria Auxiliadora nian  hodi reza tersu hamutuk iha Gruta Ave Maria Comoro no tempu hanesan selebra hamutuk festa São  Domingos Savio nian. Maske ho distansia ne’ebé dook, Maibé ami hotu la’o ho ksolok ba Gruta hodi reza hamutuk tersu iha ne’eba. Molok reza tersu hamutuk Ir. Domingas  de Deus fó Boatarde: iha nia mensajen ba labarik no foinsa’e sira mak: atu sai ezemplu di’ak ba sira nia maluk seluk hanesan Domingos Savio iha nia moto ne’ebé dehan: “ di’ak liu mate duke halo sala” no oinsa Domingos Savio iha devosaun boot ba Nain Feto Maria Auxiliadora, nune’e ita ida’idakhakas-an atu banati  tuir São  Dominngos Savio nia ezemplu karidade nian ba nia maluk sira, ita mós sai Domingos Savio nia belun sira hodi habelar devosaun ba Nain Feto, keta haluha karidade ba ita nia maluk sira ne’ebé presiza ita nia tulun. Ami reza tersu remata tiha atu fahe ksolok hamutuk ami halo jogus hamutuk, hafoin ami merenda hamutuk no fahe malu.

(Isabel Silva)