Parabéns Ir Paola Battagliola

Brescia (Italia) – Iha sábadu 19 Outubru, iha Auditorium Mons. Capretti di Brescia, serimónia entrega Prémiu “Cuore amico” ba Ir Paola Battagliola,provinsiál no misionária pioneira FMA iha ita-nia rai doben Timor-Leste, husi 1988. Marka prezensa iha eventu ne’e, Ir Emilia Musatti, Vigária Jerál, hodi reprezenta La Madre, Inspetora Ir Graziella Curti, Timór-oan ruma, komunidade FMA Brescia nian, Ir Paola nia parente sira, autoridade sivíl balun, Bispu Congo no Mali nian.

 

Loron ne’e, loron ida espesiál liu! Sentru enkontru nian mak Irmán Paola Battagliola nia sasin, ne’ebé husik marka ida iha ema hotu ne’ebé prezente iha ne’ebá. Husi ninia vokasuan misionária nia inísiu kedas mai tututir malu momentu sira ksolok no laran-susar nian, nia mamá nia mate iha fulan ruma de’it molok nia bá Timór, situasaun sósiu-polítika rai nian, hakaran atu saran an lahó rezerva, ba labarik no menina oan-kiak sira; momentu sira difisil funu nian, inkomprensaun no obstákulu husi parte autoridade tempu ne’ebá nian, rekursu frajil (komunidade FMA dahuluk iha de’it FMA na’in tolu), maibé hakaran boot ida de’it: tulun país kiak ne’e nune’e ho barani no empeñu konstante konsege remata konstrusaun eskola profisionál ida, fundasaun komunidade tolu no novisiadu. Laran-luak ida ne’ebé hetan prémiu husi “Cuore Amico”!

«Dixípulu no mestre sira – nune’e mak padre Armando Nalli define, Prezidente Asosiasaun nian – sai mestra se buka nafatin sai dixípula, hodi aprende nafatin no iha ne’ebé de’it,, iha fatin hotu, husi sira ne’ebé sai obstákulu mós, husi sira ne’ebé la komprende ita mós… »

Administradór (sindaco) Brescia nian, entrega  ba Ir Paola Battagliola ‘nobel misionáriu’ Prémiu Cuore Amico 2013, ba ninia sasin fiél ba Evanjellu no ba ninia domin ba sira ne’ebé ki’ik liu iha partilla pobreza no serbisu nian ho finalidade ba kreximentu no autonomia iha respeitu ba kultura no tradisaun rasik. Serimórnia taka ho snack ki’ik ida.

Komunidade FMA Brescia nian simu Ir Emilia, Ir Paola no FMA sira seluk atu halo momentu ida hamutuk iha konvíviu no festa. Ksolok ne’e nakfilak ba agradesimentu ida ba MAromak ba Domin ne’ebé Nia haraik nafatin mai ita, no ba irmán Timór-oan sira ne’ebé esprime di;ak ho knananu “Ami agradese tanba domin ita fó”.

Obrigada Cuore Amico!